數碼通即日起推出「限時 Free Upgrade」上台優惠，只要上指定 5G 月費計劃，就可以用同一機價，買到雙倍儲存容量嘅 iPhone 13 系列手機，就例如買 iPhone 13 Pro，原本 256GB 版本建議零售價係 $9299，而家 SmarTone $9299 就可以買到 512GB 版本，變相機價平咗 $1700，買機仲可以享有免費 12 個月升級版雙面保護「SmarTone 爆芒換新」。
另外，如果你係恒生信用卡客戶，上台 + 買 iPhone 13 系列，更可專享「iPhone for Life」計劃，「iPhone for Life」大家可能唔理解係乜，呢個計劃之前喺 csl. 有低調做過，可以優惠機價及享 36 個月免息、免手續費分期買新機，而首 24 個月只需繳付 67% 機價 (即 3 分 2)，去到第 24 個月嘅第 1 至 21 日內退回手機，可以享有 33% 機價作回購價格保證。
但要注意嘅係，「限時 Free Upgrade」以及「iPhone for Life」呢兩個計劃，並唔可以並存，只能兩者選其一，一係就同相同價錢買雙倍數據手機，一係就以 1/3 機價兩年後換新機。
不過，無論你係選用「限時 Free Upgrade」抑或「iPhone for Life」，恒生信用卡客戶都可以獲得全港獨家折上折優惠，總值 $1450 獎賞，包括每月 10GB 額外本地數據 (價值 $1200)，及購買指定手機即享高達 $250 回贈。
同時，數碼通亦推出多個新 Plan，低至 $398 可享 180GB 5G 全速本地數據 + 無限最高 5Mbps 限速數據，而標題所講低至 $179 係點計出嚟？因為你可以增加附屬 SIM，每張 + $120，最多 4 張，而由第 2 - 4 張開始，每增加一張 SIM，就可以有額外 50GB 5G 數據，即係話，最多 + $480，就可以有額外150GB 數據，變相就是 $896 (連 $18 行政費)，有總共 330GB 數據，除返開 5 個人，平均每個人 $179，有平均 66GB 5G 數據，用完之後繼續以最高 5Mbps 無限上網。
最後，下圖會 Show 畀你睇，全新數碼通 5G 月費計劃以及「限時 Free Upgrade」優惠詳情，唔知大家又會唔會考慮到數碼通上台買 iPhone 13 系列新機呢？
