Honor 6 Plus 代替品? 華為 Ascend G7 、 Ascend G620S 登場

2014-12-19 18:43
早幾日華為係發佈會上面就宣佈推出賣價大約兩千五有找,旗艦級配置 5.5 吋大芒嘅華為 Honor 6 Plus 。同埋可以打通中港全部 3G 4G 台,賣價千七有找嘅華為榮耀暢玩 4X 。兩部機不論係規格同埋價錢上都相當吸引,可惜同樣未有正式係香港上市日期。兩部 Honor 系列手機目前係香港仲係推出無期,但同樣係華為嘅 Ascend 近日就正式推出兩部 4G 手機,分別係以金屬機身做主打嘅 Ascend G7 同埋以平價做賣點嘅 Ascend G620S ,唔知一眾「華粉」又點睇?

今次推出嘅 Ascend G7 同埋 Ascend G620S 主要有兩個共通點,支持 4G LTE CAT 4 網絡技術同埋用上支援 64 bit 嘅 Qualcomm Snapdragon 410 四核心處理器。前者可以令手機支援高達 150Mbps 下載速度,而後者更加係目前最新中價手機例如 Samsung A5 使用緊嘅 CPU 。最後係定價方面,擁有 5.5 吋大芒同埋 1300 萬像素嘅 Ascend G7 定價 $2680 ,而 5 吋芒同埋 800 萬像素嘅 Ascend G620S 就定價 $1580 ,而家已經有得賣。而家暫時就仲未買到 Honor 6 Plus 或者榮耀暢玩 4X ,呢兩部價格相似又同樣出自華為手筆嘅手機大家又會唔會考慮呢?

Honor 6 Plus 代替品? 華為 Ascend G7 、 Ascend G620S 登場-0
Ascend G7 同 Honor 6 Plus 相比雖然一樣 5.5 吋大芒,同千三萬像素相機,但整體規格來講就差少少。

Honor 6 Plus 代替品? 華為 Ascend G7 、 Ascend G620S 登場-1
Ascend G620S 同榮耀暢玩 4X 相比,用上同款 CPU 但就只有 1GB RAM ,芒只得 5 吋同埋相機只有 800 萬像素。

在文章發佈的時侯,華為 Ascend G7 賣價 $2680,按此看詳細規格與最新賣價。
在文章發佈的時侯,華為 Ascend G620S 賣價 $1580,按此看詳細規格與最新賣價。
您可能也喜歡▼