Leica 雙鏡頭+ 4GB RAM!華為 P9 到港,價錢真係無驚喜?

2016-04-29 12:43
昨日就已經有兩部 S820 旗艦 HTC 10 以及 小米 5 來到香港開賣,到左今日就輪到以 Leica 雙鏡頭為賣點的華為 P9 登場啦!其實有關華為 P9 開賣消息,版主之前都分享過,包括 3GB RAM 標準版以及 4GB RAM 加強版會同步登場,而且將會係短時間內開賣等等。但話晒今次係 P9 正式發佈,會唔會好似 HTC 10 一樣有出人意料的情況呢?要睇下文啦!

Leica 雙鏡頭+ 4GB RAM!華為 P9 到港,價錢真係無驚喜?-0


即日開賣!華為 P9 標準版、加強版,有咩唔同?

作為華為上半年度主力旗艦,華為 P9 係效能方面,雖然難以同 S820 旗艦相比,但係其獨有的 Leica 雙鏡頭,係話題性方面就贏晒一眾大廠旗艦啦!價錢上,版主就同大家透露過, P9 定價同係年頭推出的 Mate 8 其實十分相似,分別係 3GB RAM 標準版價錢 $3880 而 4GB RAM 加強版價錢 $4480 。發售日期方面就係即日開賣!


既然係開賣細節上無乜特別,咁不如講下手機規格上有無咩亮點仲好啦!要留意係,係手機頻段上,標準版以及加強版所支援的 FDD LTE 頻段會有不同,因為只有 P9 加強版先會有 Mate 8 咁齊的頻段(B1 (2100)、B2 (1900)、B3 (1800)、B4 (AWS 美國)、B5 (850)、B6、B7 (2600)、B8 (900)、B12 (700a 北美)、B17 (700b 北美)、B18 (800 日本)、B19 (800 日本)、B20 (歐洲)、B26)。但標準版其實都好足夠,香港常用的 B3 (1800) 同 B7 (2600) 都有。比較可惜地方係,係數據傳輸速度上, P9 兩個版本都只係去到 LTE Cat 4 ,算係美中不足吧。

最後係顏色方面,其實 P9 都唔算係齊全,標準版有月光銀同太空灰兩色,而加強版就只等金色。

【實測】華為 border=搶先小米 5!Leica 鏡頭華為 P9 登場日期確認 價錢唔太貴?
Leica 雙鏡頭加持!華為 P9 到港小米 5 即跌價,你點揀?
評測 : HTC 10、三星 S7 Edge、LG G5、華為 P9 攝力大對決
獨家評測 :與 Leica 深度合作 華為 HUAWEI P9 攝影實力好誇張!
5.5 吋 P9 Plus 幾時出? 4GB RAM 同步賣,華為 P9 香港定價搶先爆

華為 P9 (3GB RAM) 於文章刊登時,香港定價 $3880 ,於 4 月 29 日開賣,按這裡有更詳細規格及最新賣價
華為 P9 (4GB RAM) 於文章刊登時,香港定價 $4480,於 4 月 29 日開賣,按這裡有更詳細規格及最新賣價
華為 P9 Plus 於文章刊登時,香港定價 $4880 ,將於 5 月下旬開賣,按這裡有更詳細規格及最新賣價