6 吋巨芒大戰!小米 Max 平價鬥華為 Mate 8 三星 A9 你撐唔撐?

2016-05-10 19:12
小米 Max 剛剛已經發佈左,即時上手跑分都做過,大家應該都對小米 Max 有初步的了解吧?從規格上看來,小米 Max 明顯係想做 6 吋或以上大芒機類別的中階機皇。雖然小米 Max 會係香港出那個版本,而家都好難講,但係既然規格同賣價(大陸)都有齊,都係時候將小米 Max 的主要對手,同樣有 6 吋巨芒的 Samsung Galaxy A9 以及華為 Mate 8 做個比一比,咁就知小米 Max 抵唔抵啦!

6 吋巨芒大戰!小米 Max 平價鬥華為 Mate 8 三星 A9 你撐唔撐?
 

定價最平,規格都是最強嗎?小米 Max 對決 Mate 8、 A9(2016)

小米產品係性價比方面,一向都無乜可以挑剔,小米 Max 都唔例外。以規格而言,小米 Max 的 6.44 吋屏幕同 Mate 8、A9(2016)相比,都係更加大。而且以頂配版來計,除左用跟 Samsung Galaxy A9 (2016) 一樣的 Qualcomm S652 處理器之外,因為有成 4GB RAM ,相對上都係更有優勢。不過對比用上 Hisilicon Kirin 950 的 4GB RAM 版本 Mate 8 加強版,就會差少少。

小米 Max 除左係屏幕、處理器上唔會比對手差之外,係電量上都比起 Mate 8、A9(2016) 更多,有成 4850mAh,相比之下 Mate 8 同 A9(2016)只有 4000mAh。係續航力上,小米相當自信,在發佈會上以 iPhone 6s Plus 以及 P8 Max 做了三回合比拼,三次都能勝出。

不過,在相機方面,小米並未有提及小米 Max 主鏡頭所採用的感光元件,只係提到用上 f2.0 光圈以及支援 PDAF 相位對焦,但無 OIS 光學防手震。時間關係,版主都做唔到測試,之後先知道表現如何了。不過係規格上,Samsung 的 A9(2016) 有 f1.9 大光圈同 OIS 光學防手震支持,旗艦級的 Mate 8 更採用了「三合一對焦」以及用上 1600 萬像素 Sony IMX 298 主鏡頭。看來小米 Max 在相機方面未未必有大優勢呢。

6 吋巨芒大戰!小米 Max 平價鬥華為 Mate 8 三星 A9 你撐唔撐?
▲一如版主所料,最終小米 Max 也是以 Qualcomm S652 為主,但效能表現係點真係之後再試下先知。

小米 Max 正式發表!6.44 吋重新定義大螢幕 效能跑分搶先試
▲小米官方為小米 Max 做過測試,續航力當然完勝對手。
 

有大量加 4GB RAM,小米 Max 會不會有致命缺點?

從上面比較看來,定價 1999 人仔(折合港幣約 $2381)的小米 Max 4GB RAM 版本,係規格沒有明顯輸蝕,而價錢又平得多的情況下,性價比看來真係遠勝對手。(Mate 8 加強版大鋪都要四千頭,而 A9(2016)最平係 csl 都要 $3198)不過,賣得平,總會有少少地方有所犧牲。之前版主都提過,小米 Max 用上左「孤寒雙卡」設計,即係 Sim 2 同 Micro SD 卡只能 2 選 1。但小米 Max 4GB RAM 版本有成 128GB 內置容量,正常來講唔插卡應該都夠用嘅。

另外大家要留意,港人常用的 NFC 雖然小米 5 支援,但係小米 Max 卻不支援,相對之下不論 Samsung A9(2016) 還是華為 Mate 8 ,都無呢個問題。而小米 Max 雖然正面有 2.5D 玻璃,但機背材質感覺上同紅米 Note 3 差不多,如果嫌紅米 Note 3 金屬感不夠的話,小米 Max 看來都難以滿足閣下要求。最後,以下就係小米 Max 同華為 Mate 8 以及 Samsung A9(2016) 同埋 2015 年推出,但價錢同小米 Max 相近的 Sony C5 Ultra 規格比較。唔知大家又會點揀呢?留言講講吧!

6 吋巨芒大戰!小米 Max 平價鬥華為 Mate 8 三星 A9 你撐唔撐?
▲其實如果到港的小米 Max 是 128GB 內置容量的話,相信大家都不會太介意孤寒雙卡呢個問題,反而沒有 NFC 會難搞啲。

6 吋巨芒大戰!小米 Max 平價鬥華為 Mate 8 三星 A9 你撐唔撐?
▲同往常一樣, click 入去就見到詳細規格比較啦!
 

更多有關小米 Max 的消息:

狙擊三星 A9 Pro!6.4 吋芒小米 Max 四大賣點發佈前搶先睇 
定價、實機照曝光!6.4 吋芒小米 Max 外型降級,仲要貴過米 5?
五千大電 Asus Zenfone Max 有行貨!小米 Max 香港會賣
4GB RAM + 128GB ROM! 6.44 吋巨電小米 Max 好抵玩?
外型拼小米 5! 小米 Max 屏幕、跑分一手試!

在文章發佈時,小米 Max 香港發佈日期未定,按此看手機詳細規格及最新賣價
您可能也喜歡▼