華為 Mate 20 Pro 全城缺貨!大舖揭露箇中原因,居然是......?

左定坤 (Cho Ting Kwan) 2018-11-24 13:26 | Huawei
近期版主比較看得上眼的旗艦手機,應該會係華為 Mate 20 Pro,佢嘅好玩之處,在於能夠拍攝廣角照片,版主早前去泰國旅行拍咗好多靚相,都係靠佢。版主有測試機,唔使出錢有得試用,殊不知原來你喺出面,分分鐘係有錢都買唔到。Mate 20 Pro 全城缺貨,而版主同旺角一些大舖吹開水,佢哋反映原因居然是......?

華為(Facebook).jpg

版主問過旺角西洋菜街兩間不同的連鎖店,首先第一間就表示,開賣無耐就有班大陸人一掃掃幾十部,所以搞到無哂貨,即係證明咗,原來華為 Mate 20 Pro 好賣得固然是事實,而另一方面亦都反映咗,原來都會有唔少大陸人會落返嚟香港掃貨。但又多唔多香港人買呢?又有幾多網友都入手了 Mate 20 Pro 呢?

不過,另一間大舖店員的說法,則並不一樣。這間大舖的店員表示,缺貨係因為之前發生過綠芒問題,所以間間舖都唔返貨,要推就推人買 Mate 20X。至於網絡商方面又如何呢?版主有朋友想買 Mate 20 Pro,搵咗 5 間 CMHK 先有 1 間話有貨,但都只係得黑色。咁到頭來 Mate 20 Pro 缺貨原因,到底是甚麼?真係因為太好賣?定同屏幕問題有關?網友又點睇呢?

最新新聞