大芒 + 巨電!大舖劈價 三千中都唔使 入手華為 Mate 系旗艦

2018-12-07 19:05
平時行開大舖,應該會發現,華為算係其中一個賣價企得最硬的品牌。上至旗艦機,下至低階機,都好少見到有減價,反而其競敵三星,就無華為企得咁硬。係嘅,華為地位近年升得太快,而家就算佢賣到六千幾蚊,都有唔少人願意入手。而為了清貨,有大舖將一部華為 Mate 系手機劈價 $1400,網友又會否考慮呢?睇下文啦!

大芒 + 巨電!大舖劈價 三千中都唔使 入手華為 Mate 系旗艦

說的是百老匯,今個月起推出了滙豐信用卡優惠,順便將華為舊代 Mate 系旗艦劈價清貨。而今次清的,就是 Mate 10,只要用滙豐信用卡簽賬,就可以 $3380 呢個價錢,買到 Mate 10。雖然係舊代機款,不過叫做三千中都唔使有 Mate 系列旗艦機,對大芒、巨電有要求的網友,呢部可能都值得考慮考慮。

大芒 + 巨電!大舖劈價 三千中都唔使 入手華為 Mate 系旗艦

Mate 10 採用了 5.9 吋 16:9 2K 芒,機背用上金屬材質,配備 Kirin 970 處理器,內置 4GB RAM 以及 64GB ROM,並支持 microSD 擴充。同時,Mate 10 亦具有 4000mAh 大電池,支持 4.5V / 5A 低壓快充。另外,Mate 10 採用了 12MP 黑白 + 12MP 彩色雙主鏡頭,兩個鏡頭都是 F1.6 光圈,並支持 AI 拍攝及 OIS 防震功能。

呢個 Specs 賣三千四,網友覺得抵唔抵玩?留言討論下啦!

華為 Mate 10 在文章發表時,大舖賣價為 $3380,按這裡有詳細規格及最新賣價