相機實測 (2):超自然現象!? 華為 P30 Pro 拍到你見唔到嘅嘢!

2019-03-26 15:03
文章分享
無記錯華為是由 P20 Pro 開始,大玩「夜景」模式,只要使用這個 mode,按下快門,手持大約 4 秒,將數張相疊成一張清晰可見的照片。不過,雖然用「夜景」模式拍出來的質素確實不差,去到好黑的地方都可以影得好光,但有些網友可能就嫌,下下都要 Hold 4 秒先影完一張相,實在太麻煩。今次,P30 Pro 在夜拍方面大大強化了,在漆黑不見五指的環境下,就算不用夜景模式,僅用 Auto Mode,都能夠拍到你肉眼明明都看不到的東西。下文會有示範。

相機實測 (2):超自然現象!? 華為 P30 Pro 拍到你見唔到嘅嘢!

今次華為 P30 Pro 在夜拍方面有強化,都有幾個原因:
(1) 光圈有 F1.6,光圈大咗,吸光能力就隨之提高
(2) 換上新的 SuperSpectrum 感光元件,改用了 RYYB 四色濾色陣列技術,相比以往用 RGB 陣列,提高了 40% 的吸光量
(3) ISO 可以推到 409600,想影唔到光都好難

而版主在試玩會場一間黑房中,試過用 P30 Pro 對住某件肉眼都睇唔清楚係乜的東西,透過 Auto Mode 拍攝。對比起 Mate 20 Pro 影出來的效果,你大概可以想像到現場環境有多黑:
   
留意返,Mate 20 Pro 開夜景模式的情況下,都需要成 6 秒時間,但都只是僅僅見到而已,亦可以看到現場黑的程度有多誇張。但留意 P30 Pro 用 Auto Mode 拍出來的效果,完全不像在一間黑房內拍攝。 但都要說句真心話,Auto Mode 真係好睇「撞手神」,唔係下下都可以影到呢個效果,所以真係想喺咁黑環境下影到咁光,最簡單直接方法,就係開專業模式,將 ISO 推到 409600。

有好少好少的光源,就已經可以將現象變到咁光,你又覺得影出嚟效果誇唔誇張呢?

相機實測 (2):超自然現象!? 華為 P30 Pro 拍到你見唔到嘅嘢!
 

華為 P30 / P30 Pro  搶先評測及開賣資訊

相機佢玩哂!華為 P30 Pro 四鏡頭好屈機,香港上市資訊搶先睇
漸變色 + 有新色!華為 P30 / P30 Pro 實機上手,網友投票邊隻色最靚
黑科技出招!HUAWEI P30 Pro 超暗黑夜攝 + 50 倍變焦拍攝 效果嚇死人
相機實測 (1):50 倍變焦化身偷拍神器,華為 P30 Pro 幾層樓高都影到
相機實測 (2):超自然現象!? 華為 P30 Pro 拍到你見唔到嘅嘢
文章分享