華為 P30 Pro 用戶 github 爆料!手機自動連線大陸官方機構「備案」

2019-04-22 10:48
每當提到手機或網絡監控,好多網民都會以「行得正企得正,怕咩!」作為回應。如果你唔介意一舉一動受到監控,呢篇報導你可以直接跳過。開場白講完就要分享其他網友,甚至大部份消費者都應該關心嘅事,有外國網民發現最近上市嘅華為 P30 Pro,會不時嘗試聯繫大陸伺服器。

華為 P30 Pro 用戶 github 爆料!手機自動連線大陸官方機構「備案」-0

該名外國網民 pe3zx 透過 github 分享佢嘅發現,華為 P30 Pro 會發出 DNS Request 連繫位於中國大陸嘅伺服器和使用大陸 IP,而 pe3zx 表示其 P30 Pro 並未有設定華為嘅服務,包括 Huawei ID 或任何 Hi 服務。換句話說,手機就算唔採用或連接華為服務,都會自動自覺向大陸伺服器聯繫和匯報。pe3zx 發現 P30 Pro 私自連接的包括全國互聯網安全管理服務平台 www.beian.gov.cn(beian = 備案?),引起了網民討論同關注。

華為 P30 Pro 用戶 github 爆料!手機自動連線大陸官方機構「備案」-1

有網民喺 Reddit 張貼 pe3zx 嘅 github 連結,有人對華為手機自動將用戶資料傳送到大陸監控機關表示憂慮,亦有網民指全國互聯網安全管理服務平台係官方給予大陸所有網站、域名許可嘅機構,認為華為此舉無可厚非。pe3zx 亦喺 Reddit 討論區跟網民分享,表示會陸續提供更多資料,亦建議用戶設置 VPN 阻隔有問題嘅 DNS Request。

華為 P30 Pro 用戶 github 爆料!手機自動連線大陸官方機構「備案」-2

資料來源:reddit