華為減得快,一定有古怪?Y9 Prime 2019 大舖一出即減

2019-06-20 17:13
文章分享
足足 10 日無見到版主我寫的手機場料,有無好掛住我呢~版主好慚愧,唔係因為反送中,而係離開咗香港去旅行 (無辦法一早 book 好哂~),但人在外地都繼續關注事件,支持各位香港人。尋日剛落機,返嚟見到版主 Keith 出咗篇文,講華為呢個時候仲敢推出新機 Y9 Prime 2019。不過版主發現,Y9 Prime 2019 一出,大舖就即減價,正所謂「華為減價快,一定有古怪」,減到呢個價,網友敗唔敗?睇下文啦!

華為減得快,一定有古怪?Y9 Prime 2019 大舖一出即減

雖然最近華為負面新聞連綿不絕,但似乎都無減網友對其手機的支持。收到網友 inbox 請教,佢比較關注的,係到底呢部 Y9 Prime 2019 用唔用到 Facebook,咁當然係用到嘅,可放心食用。

入正題,今時今日手機價錢企硬,愈來愈少「一出即減」呢支歌仔唱。然而,華為 Y9 Prime 2019 一出,大舖就有即減,原因不明,但減價快,似乎有點古怪。說的是衛訊、蘇寧,明價將 Y9 Prime 2019 減至 $1699,而豐澤雖暫時未有標價,但亦同樣有「口爆價」(簡單嚟講就係「暗價」),都係 $1699。至於百老匯,則一蚊不減,照舊 $1888。呢個價,網友又受唔受呢?

華為減得快,一定有古怪?Y9 Prime 2019 大舖一出即減

華為 Y9 Prime 2019 在文章發表時,大舖賣價為 $1699,按這裡有詳細規格及最新賣價
文章分享
您可能也喜歡▼