華為 Mate 30 香港快開賣?現有 Mate、P 系列旗艦齊減價

2019-10-18 20:46
文章分享
受到中美貿易戰影響,華為最新的 Mate 30 系列手機,依然係用不到 Google,但都無阻 Mate 30 / Mate 30 Pro 的香港上市計劃,有小道消息指出,Mate 30 系列手機好快就來了!呢個時候,現有的 Mate 系列、P 系列旗艦都減價,賣到呢個價錢,網友會考慮入手嗎?睇下文啦!

華為 Mate 30 香港快開賣?現有 Mate、P 系列旗艦齊減價

首先講咗華為 Mate 系列,今次減價的手機是 Mate 20 Pro,對上一次減價,無記錯應該係九月頭蘇寧嘅信用卡優惠,當時優惠價為 $4598,而最近衛訊就帶頭再減,最新賣價為 $4288。至於 P 系列,當然就是華為 P30 吧,衛訊最新賣價為 $3988 -當然,其實呢個價錢版主留意到係蘇寧帶頭做先,而家衛訊先跟住減,不過都係比之前平多 $100,似乎都唔係乜咁特別。

華為 Mate 30 香港快開賣?現有 Mate、P 系列旗艦齊減價

華為 Mate 30 香港快開賣?現有 Mate、P 系列旗艦齊減價

規格部份,華為 Mate 20 Pro 用上了 6.39 吋 OLED 芒,解像度為 3120 x 1440,配備 Kirin 980 處理器,內置 6GB RAM 以及 128GB ROM,電池容量為 4200mAh。主相機是三鏡頭設計,分別為 40MP 標準、20MP 超廣角以及 8MP 三倍長焦鏡頭,而前置鏡頭則為 24MP。

至於 P30,則用上 6.1 吋 OLED 芒,解像度為 2340 x 1080,同樣配備 Kirin 980 處理器,但內置 8GB RAM 以及 128GB ROM,電池容量有 3650mAh。亦同樣具有三鏡頭,分別為 40MP 標準、16MP 超廣角以及 8MP 三倍長焦的組合,前置鏡頭有 32MP。

呢兩部手機同樣有 Google 的支援,相差 $300 左右,網友又會揀 Mate 20 Pro,抑或 P30 呢?留言講下啦!

華為 Mate 20 Pro 在文章發表時,大舖賣價為 $4288,按這裡有詳細規格及最新賣價
華為 P30 在文章發表時,大舖賣價為 $3988,按這裡有詳細規格及最新賣價
文章分享
您可能也喜歡▼