【外型篇】華為 Mate 40 Pro 上手 + 圖賞:係靚嘅

2020-10-29 19:28
華為早前發表咗旗艦新機 Mate 40 系列,一共有四部手機,分別為 Mate 40、Mate 40 Pro、Mate 40 Pro+ 以及 Mate 40 RS,而當時版主就預告過,因為某些原因,目前消息指香港只會賣其中一部,就係 Mate 40 Pro,而據相熟大舖 Promotor 指,似乎都唔會多貨,未必間間大舖都會有賣。但點都好啦,雖然今年無 Trip 出,不過版主都借得 Mate 40 Pro,就首先同大家做個開箱,兼望下佢個樣係點啦~

【外型篇】華為 Mate 40 Pro 上手 + 圖賞:係靚嘅
 

華為 Mate 40 Pro 開箱評測


【外型篇】華為 Mate 40 Pro 上手 + 圖賞:係靚嘅
▲ 包裝盒就同平時華為 Mate 系列手機差不多,都係黑色平平實實,無乜特別,最多隱約見到有個好似鏡頭設計咁嘅圓圈圈。

【外型篇】華為 Mate 40 Pro 上手 + 圖賞:係靚嘅
▲ 包裝盒側邊會見到有基本規格資料,我手上借到嘅係黑色 Mate 40 Pro,內置 8GB RAM 以及 256GB ROM (我之前都有提過,香港會賣呢個容量版本),支持雙 SIM,並且配備最新嘅 Kirin 9000 5nm 處理器。

【外型篇】華為 Mate 40 Pro 上手 + 圖賞:係靚嘅
▲ 包裝盒入面會見到有 Mate 40 Pro、透明軟殼、USB Type C 線,而且仲會有 iPhone 12 都無嘅充電火牛以及耳機。

【外型篇】華為 Mate 40 Pro 上手 + 圖賞:係靚嘅
▲ 充電火牛支持最高 66W 功率嘅輸出。

【外型篇】華為 Mate 40 Pro 上手 + 圖賞:係靚嘅
▲ Mate 40 Pro 採用了 6.76 吋顯示屏,解像度為 2772 x 1344。

【外型篇】華為 Mate 40 Pro 上手 + 圖賞:係靚嘅
▲ 屏幕左上方會見到好似藥丸狀嘅雙鏡頭。

【外型篇】華為 Mate 40 Pro 上手 + 圖賞:係靚嘅
▲ 因為佢係用上「瀑布屏」,所謂瀑布屏就係指佢個曲面屏幕弧度接近 90 度,而官方數字指 Mate 40 Pro 的瀑布屏為 88 度。另外,右側會見到有實體音量鍵以及開關鍵,但同時喺屏幕側面用拇指點兩下,都會支持虛擬音量鍵。但既然有虛擬音量鍵,咁個實體鍵又係咪多此一舉呢?

【外型篇】華為 Mate 40 Pro 上手 + 圖賞:係靚嘅
▲ 機背係用上陶瓷材質,望落去係幾靚,但真正使用就會易沾指紋。

【外型篇】華為 Mate 40 Pro 上手 + 圖賞:係靚嘅
▲ 主相機位置係用上咗圓形環狀嘅設計,具有三個鏡頭,分別係 50MP RYYB + 20MP 超廣角 + 12MP 潛望鏡頭。而圓環嘅中間會有寫住 LEICA 字樣。

【外型篇】華為 Mate 40 Pro 上手 + 圖賞:係靚嘅
▲ 底部係 Type C 插槽,無 3.5mm 耳機孔。

【外型篇】華為 Mate 40 Pro 上手 + 圖賞:係靚嘅

【外型篇】華為 Mate 40 Pro 上手 + 圖賞:係靚嘅
▲ 上手!就咁講個樣,係幾靚嘅,個鏡頭設計都算係型,好似好睇過 iPhone 果種鏡頭排列方式。但陶瓷黑容易沾指紋,遠觀可以,用就要成日抹,不過一般網友應該都會戴返個套,好似安全啲,或者就唔會太介意,係好似版主我成日唔戴套裸跑,就會好 care 到底佢係咪易沾指膜。有關效能、相機等部分,版主稍後時間會有其他文章。

乜都唔理,淨係講個樣,你又覺得 Mate 40 Pro 係咪合格呢?留言討論下啦!

 
發表於 2020-10-30 09:08
2 樓
如果世界上無IPOD呢樣野, 佢係靚嘅
您可能也喜歡▼