華為 Mate 40 Pro 開賣!香港賣價搶先爆,貨量少會有炒價?

2020-11-25 15:45
早前華為 Mate 40 系列 Global Launch 嗰陣,版主就已經一早提過,雖然 Global 會出四部手機,但香港只會賣一部,屬近年比較少見的情況。原因我就唔多講,反正大家都會估到。而會喺香港開賣嘅,係 Mate 40 Pro,將會今個星期正式發表+開賣,香港會賣幾錢,內文話你知!

華為 Mate 40 Pro 開賣!香港賣價搶先爆,貨量少會有炒價?

根據版主收到的消息,華為 Mate 40 Pro 將會在 11 月 27 日,即香港發佈當日正式開賣,建議零售價為 $8388。然而,據悉今次貨量會少之又少,版主向豐澤、衛訊相熟朋友了解過,豐澤只會在沙田新城市廣場、銅鑼灣時代廣場兩間門市有得買,而衛訊亦只會在屯門、沙田兩間門市有售(會員限定),中原更少,得尖沙咀海港城一間有賣。當中嘅豐澤內部價錢更顯示為 $9999,真係唔知佢哋電腦未更新價錢,抑或係因為少貨,所以有炒價了。至於衛訊同中原,則會以原價賣。網友又點睇呢?

規格方面,Mate 40 Pro 採用咗 6.76 吋 OLED 90Hz「瀑布屏」,解像度為 1344p,配備 Kirin 9000 5nm 處理器,內置 8GB RAM 以及 256GB ROM,電池容量為 4400mAh。相機部分,Mate 40 Pro 用上 50MP RYYB + 20MP 超廣角 + 12MP 潛望鏡頭,支持 5 倍光學變焦範圍。

華為 Mate 40 Pro 開賣!香港賣價搶先爆,貨量少會有炒價?

華為 Mate 40 Pro 在文章發表時,建議零售價為 $8388,按這裡有詳細規格及最新賣價
您可能也喜歡▼