鴻蒙手機嚟啦!華為 P50 Pro 水貨火速到港!裝到 Google?

2021-08-13 19:26
曾經憑着 Leica 認證鏡頭,有着唔錯影相表現,又喺香港成功做起咗嘅華為,卻因為美國嘅制裁,無咗 Google 而令消費者卻步,就算有一班人一心支持華為買佢哋嘅手機,但唔少人買完都依然諗住,點樣去裝 Google 呢?可見 Google 影響力,實在有幾大。上個月底發表嘅華為旗艦 P50 系列,雖然香港暫時未有會開賣嘅消息,不過當中嘅 P50 Pro 水貨,話咁快已經抵達旺角先達,到底第一水賣價會係幾錢?睇下文啦!

鴻蒙手機嚟啦!華為 P50 Pro 水貨火速到港!裝到 Google?-0

傳說中首部用鴻蒙 Harmony OS 2 嘅手機 P50 Pro 水貨終於嚟到香港,256GB 同 512GB 都到港,第一水賣價分別為 $8980 以及 $10300。至於較平價嘅 P50,就暫時未有抵港。至於問及用鴻蒙 Harmony OS 2 嘅 P50 Pro,能唔能夠完美安裝 Google,旺角先達店主則表示,未試,咁唔知會唔會有風險裝唔到 Google 呢?

不過啦,今次華為 P50 Pro 就只有推出 4G,無 5G 版。其他規格又點? 6.6 吋曲面芒,120Hz 屏幕刷新率,4360mAh,支持 66W 有線快充。相機最勁咪話有 200 倍變焦範圍囉,計返上嚟其實即係 100 倍 Zoom,但就講到再勁咗,影得更清楚。但實際係咪咁勁,機我就未試過喇,等香港真係出,先再試下啦。
 
您可能也喜歡▼