網友問,版主答! Sony Xperia Z2 大家想要知的 10 件事!

2014-03-07 00:05
早兩日版主 Eddie 起程去東京 Sony 總部既時侯,答應過幫網友問問題。網友們都好踴躍發問,當中關於 Xperia Z2 既問題版主都從 Sony 工程師口中找到了答案。係玩機、訪問既過程中亦對 Xperia Z2 有一些心得,我就整理好大家最需要知道既 10 樣事情,即刻同大家分享!

網友問,版主答! Sony Xperia Z2 大家想要知的 10 件事!
 

1. 網友 Edward 問: Live Color LED 技術用左乜野原理?

版主 Eddie: 問得好!呢個都係我關注既一個問題,因為每日對得最多就係手機屏幕啦。上次睇完版主 Marco 既天書我知道有乜創新,所以亦請 Sony 設計師簡單解釋一下原理。其實今次屏幕既改進係兩方面:

1. 採用了 IPS 屏幕,所以會有 IPS 屏幕高可視角度、高對比度的優點;
2. 採用紅、綠色磷光體去取代原本的黃色磷光體,工程師 Xperia Z2 亦係首次採用呢個技術既手機,同以往利用黃、藍兩種磷光體既屏幕對比, Live Color LED 色域更廣!仲係唔明白?


參考下面既圖可能會簡單點:

網友問,版主答! Sony Xperia Z2 大家想要知的 10 件事!
▲ 大家留唔留意到黃色係夾係 紅色 同埋 綠色 中間,當用紅、綠色磷光體取代黃色,自然可以顯示的顏色層次更豐富。至於 A/B 芒問題,係冇答案的,要等上市之後網友去感受一下了。如果你問版主,我接觸到 5 - 6 部 Xperia Z2 既白色表現係接近(沒有機會放在一起比對)
 

2.網友 Kims 問題: Xperia 電話有冇打算支援 Sony PHA-2 DAC 功能?

版主答: 其實 Sony Xperia Z2 同埋 Xperia Z2 Tablet 已經支援 Hi-Res 產品,亦即係可以用 USB 連出去 PHA-2 用到 DAC 功能,支援既格式亦都去到 24bit/96khz 既 Hi-Res 水準!
 

3.網友 Wayne Yip 問題:我想知 Z2 影相係用邊隻防震技術?

版主 Eddie 答:其實係數碼防震。另外版主想提一提拍片有一個叫 Steady Shot 既數碼防震,簡單來說 4K 錄影需要既大約係 880 萬像素,而 Z2 上面有個 2000 萬像素既感光元件,所以當拍 4K 既時侯,只用到最中間既地方去感光,手機再配合震動既情況去「截切」,咁就會有防震既效果。會唔會影響 4K 既畫質?輸出仍然是 3840 x 2160 既完整 4K 影片,不過視角就冇咁 Wide ,算係有得有失啦!

網友問,版主答! Sony Xperia Z2 大家想要知的 10 件事!
▲可以留意 Steady Shot 之下係用更少的感光元件去拍影片,但輸出仍然是完全的 4K 格式
 

4.網友關谷問:Sony 未來的手機會不會將更多 Sony 產品的功能整合在 Xperia 裡面嗎?

版主答:跟 Sony Mobile UX 產品企劃總監黑住吉郎討論既時侯,佢認為現有既功能都未係 100% 完美,而當然 Sony 其他產品有相關技術,有機會當然會加入去 Xperia 手機之中!
 

5.​網友 진택인 表示:好想用 STM 10 導向性收音,認為 Sony 配件乜機都用得

版主 Eddie 回應:今次 STM10 亦都係我關注既重點產品,因為我平時會係屋企拍下片、錄下音咁。不過答案可能令你失望,因為暫時可以支援到 STM10 錄音咪既手機,就只有 Sony Xperia Z2 而已! 當版主體驗既時侯,插入 STM 10 係會彈出通知話用緊「音效配件」,但係插入 Xperia Z1 上面就冇反應。Sony 人員指出 Xperia Z2 係第一部可以支援 STM10 收音咪既手機,將來的機款麻…還是要等 Sony 公佈。順帶一提,版主 Daniel 試玩到的降噪耳機 MDR-NC31E 也是 Xperia Z2 才能到降噪功能哦!

網友問,版主答! Sony Xperia Z2 大家想要知的 10 件事!
▲ STM 10 係一個幾好玩既配件,但係暫時只支援到 Sony Xperia Z2
 

6.網友 Andrew Shing 問:點解 Z1( 還是想寫 Z2) 仲係用 Omni Balance 設計唔用新設計語言?

版主答: 其實有兩個原因 :
1. Sony 設計師都認為 Omni-Balance 係一個好既設計,附合人體工學之餘,四邊平衡有美感,會繼續沿用
2. 由 Xperia Z 開始用 Omni-Balance 既設計到而家,令到 Sony Xperia 手機既設計形像係大家心目中根深蒂固,就算遠睇認唔到係邊一款形號都會知道係 Sony 推出既手機,亦維持到一定既體驗持續性。舉個例, Xperia Z 、 Z1 、 Z Ultra 以至而家 Xperia Z2 既電源鍵都係同一款式,實體鍵設計係機身大約中間位置,如果有用開 Xperia 手機的人會更易上手。


前者關於主觀既美感版主冇意見,後者我是同意的,兩年玩到的 Xperia Z 系列手機按解鎖鍵是幾方便的。唔知大家又同唔同意 Sony 呢種想法呢?我都想大家比下意見!

網友問,版主答! Sony Xperia Z2 大家想要知的 10 件事!
▲唔好以為 Xperia Z1 同 Z2 係完全相同既設計,其實今次既邊框係「一體成形式」,係將碳纖注入一大片金屬之後,再將邊框位置切磨,打磨,拿上手更加扎實。
 

7. 網友問:Sony Xperia Z1 同埋 Xpria Z2 係相機成像方面有乜分別?

版主答:有幾位網友都關注呢個問題,我問過 Sony 工程師,知道兩部手機既感光元件、G 鏡頭設計係完全一樣,亦即係用同一個相機模組。不過佢地提到今次用左新既 BIONZ 影像處理器,亦係拍攝軟件上面下了功夫。因為版主拿到手機的時侯已經夜了,只能做簡單對比。放心,還會有更多的測試!

網友問,版主答! Sony Xperia Z2 大家想要知的 10 件事! 網友問,版主答! Sony Xperia Z2 大家想要知的 10 件事!
▲左邊的是 Xperia Z1 成像,右邊是 Xperia Z2 成像,都是 2000 萬像素。版主拍攝的時侯是凌晨兩點幾,所以出出的成像相當暗,但如果在夠光的屏幕看,會明顯見到 Xperia Z2 拍到更多細節。

網友問,版主答! Sony Xperia Z2 大家想要知的 10 件事!
▲這張是採用 Superior Auto 拍攝出來的夜景,像素是 800 萬,大家認為效果如何呢?
 

8. 網友 Gugo Ho 問:Smartband 可否用在 iPhone 上面?

版主答:暫時預計在推出的時侯,只有在 Google Play Store 推出 Apps ,而且是限定 Android 4.4 或以上機款才可以用到。當中使用的 Lifelog app 是需要登入帳號才可以用, Sony 說個人資料也不會用作其他用途。
 

9.網友問:我屋企未有 4K 電視!咁 4K 錄影對我黎講有乜用?

版主答:其實發佈個陣都講左, 4K 影片除左係 4K 電視睇到之外,亦紀錄更多像素點,色彩層次會更豐富一點。而 Xperia Z2 上面的另一個功能就係可以錄影 4K 影片之後局部放大, 4K 影片可以做到相等於 4 倍變焦效果,而 1080p 只能做到 2 倍。順帶一提,版主試過將 Z2 的 4K 影片放入去 Z1 上面睇都係放大唔到,但可以靠第三方軟件例如 MX Player 做到放大,效果都是相當清晰。不過,若果你輸出至電視機,就做不到了。
 

10.網友問:會不會有 Sony Xperia Z2 Compact/ Z Ultra 2 / 半年後有 Xperia Z3 /之後既旗艦機係咪用

Omni Balance 設計 / 會唔會打算用開放式防水插口……等等關於未來產品的問題?

版主答:我唔係未來人,亦當然唔係有超能力既外星人,所以我真係唔知。至於問 Sony 員工亦冇透劇出來,所以這一類關於未來推出的產品,版主跟大家一樣係冇任何資料架。今次東京之行的其中一位受訪者是提到旗艦手機需要半年更新一次的黑住吉郎先生,但佢都冇講過會有 Xperia Z3 ,想知道佢講過既野可以參考呢一篇訪問)

網友問,版主答! Sony Xperia Z2 大家想要知的 10 件事!
同大家分享個小小既消息,上年香港Sony 最好賣既手機係邊幾部?原來係 Xperia Z 同埋 Xperia Z1 兩部旗艦,仲有 Xperia C 呢部四核雙卡手機,今年 Sony 香港亦會力推頂級同埋平價機,紅米、 Moto G 會唔會好快又有新對手?也許就是 Xperia M2 這部 4G LTE 手機?

網友問,版主答! Sony Xperia Z2 大家想要知的 10 件事!
▲ 最後多謝各位網友的發問,版主 Eddie 會繼續在有限的時間,試好部 Xperia Z2,大家記得等我的分享啦。
 

之前對 Sony Xperia Z2 的介紹也不少了,大家可以參考番!

-更靚 IPS 芒、雙喇叭加持! Sony Xpeira Z2 正式登場!
-點只 4K 咁簡單! Sony Xperia Z2 相機、拍片功能有驚喜!
-5.2 吋不偏色 ! Sony Xperia Z2 真機上手,先試芒!
-旨在好玩! Sony Xperia Z2 4K 拍片、時移影片、攝錄介面大測試
-[天書級數] 揭 Sony Xperia Z2 外型設計,屏幕技術之謎
-健康智能手帶對擊! Sony SmartBand 強打三星 Gear2
-440g 輕巧+防水! Sony Xperia Z2 Tablet 實機上手試! 
-飛機實測:Sony Xperia Z2 + MDR-NC31E 降噪耳機效能
天書二集: 揭 Sony Xperia Z2 相機攝力與音樂技術之謎

在文章刊出的時侯, Sony Xperia Z2 仍然未公佈價錢和開賣日期,按此看詳細規格和最新賣價。
您可能也喜歡▼