新二千萬像素相機 Sony Xperia M5 登場!官方定價令人意外?

2015-08-12 04:44
提到性價比,大家一般都會要求手機係規格有返咁上下的情況下同樣有相當吸引的價錢。今年來講係大牌子的旗艦機種到基本上都好難搵到性價比好高的例子,但係在中階機方面呢? Sony 的 Xperia C5 Ultra 同埋 Xperia M5 都有機會成為高性價比的表表者的。剛剛 Sony Mobile HK 就公佈左 Xperia M5 的價錢同開賣細節,一齊睇下性價比夠唔夠啦!

Sony Xperia M5 實機試玩,與 HTC One M9+ 拍照、對焦速度對比
▲ 係外型以及顏色的處理上, M5 好像更有 Xperia Z 系列的影子了(個人覺得有點像 Z3)。
 

全新 2150 萬像素相機 + 3GB RAM ! Xperia M5 九月開賣, C5 Ultra 8 月中旬如期登場

雖然之前都曾經提過,但都係將 Xperia M5 的規格細節再提多次先!作為跟 M4 Aqua 屬於同一系列的 Xperia M5 ,係賣點上都係以採用 Z 系列的 Omni Balance 設計以及支援 IP68 防水規格作為賣點。係硬件方面就有 5 吋 1080p 屏幕,處理器就是 MTK 的 Helio X10 MT6795 八核心 2.0GHz 處理器配上 3GB RAM 以及 16GB ROM ,支援最大支援最大 200GB 的 microSD 記憶卡擴充,而內建電池容量為 2600 mAh 。

相機方面可以話係 Xperia M5 的主要賣點,內建全新的 2150 萬像素 Exmor RS 感光元件以及加入 Hybird AF 混合式對焦。呢種新的對焦系統整合左以相位式對焦(Phase Detection AF)以及傳統對比式對焦(Contrast Detection AF),因此可以將對焦時間降到 0.25 秒;同時間 M5 亦有五倍清晰變焦功能(5x Clear Image Zoom),可以令手機在不影響畫質情況下做最高 5 倍的變焦效果。係前置相機方面 M5 就有 1300 萬像素的前相機。

講完規格細節之後就到開賣細節啦,Sony Xperia M5 將會係 9 月初推出係 4G 雙卡雙待版本, TD-LTE 頻段方面,支援 Band 40,定價係 $3698 ,將會有金、白、黑三色同時開賣。

另外要提一提嘅就係版主 Keith 昨日分享過的 C5 Ultra ,呢部 6 吋「無邊框」大芒機之前係 Sony Mobile 網站上就自爆左定價係 $3298 。今日 Sony 將 C5 Ultra 連同 M5 一拼發佈,而價錢方面都係維持在 $3298 呢個價,將會係下個星期推出,同樣是 4G LTE 雙卡雙待,支援 TD-LTE Band 40,呢兩部新機的定價又是否在大家接受範圍內?

Sony Xperia M5 實機試玩,與 HTC One M9+ 拍照、對焦速度對比
▲ M5 將會有金、黑、白三色可選,只會有雙卡版本。

妹妹愛自拍,Sony Xperia C5 Ultra 現場測試!
▲ 而 C5 Ultra 就會有黑、白、綠三色推出,將於八月中旬發售。


比拼各大牌子中價機種! M5 有無優勢?

Xperia M5 的規格同埋定價就講完啦,接下來就就可以睇睇 M5 同今年其他大牌子近來推出,同樣係三千元價位的機款做個對比。可以咁講,目前主力搶佔三千元價位市場以 Samsung 同 HTC 就最為積極,前者剛剛就為 Galaxy A 系列加入左有 5.7 吋大芒的 A8 。而後者雖然未有直接推出三千元價位的手機,但係在劈價上就毫不手軟,同 M5 一樣有雙卡而且用上 Helio X10 處理器的 HTC One E9+ 以及 HTC One ME 而家分別係賣緊 $3698 以及 $3958 。如果另外再加入同樣係中階定位,賣 $3298 的 Xperia C5 Ultra 的話,唔知大家又覺得邊部機性價比最高呢?

新二千萬像素相機 Sony Xperia M5 登場!官方定價令人意外?
▲ 按入去可以睇規格比較。

在文章發佈時, Sony Xperia C5 Ultra  將會在 8 月中開賣,定價 $3298,按此查看手機詳細規格及最新賣價
在文章發佈時, Sony Xperia M5 將會在 9 月開賣,定價 $3698 ,按此查看手機詳細規格及最新賣價。
發表於 2015-08-12 15:04
2 樓
o係機能過盛既年代, 谷勁鏡頭既中階機會有唔少客路icon
(唔計***zoom啲怪雞野)
發表於 2015-08-12 17:34
3 樓

16GB ROM........可以講886...至小32或64先好....
發表於 2015-08-12 19:03
4 樓

中檔機,多數 16GB ROM 架啦。 
多謝支持 ePrice.HK
您可能也喜歡▼