對決 G4 、 Note 5 ! Sony Z5 Premium 主打 4K 芒你撐唔撐?

2015-09-03 01:23
早前 Sony 就正式發佈左三部 Xperia Z 系列新機, Z5 、 Z5 Compact 同埋 Z5 Premium 。無論係驚喜度還是在規格上 Z5 Premium 都可以話係三者之中最強的一部。呢部主打 4K 解像度的新機係面對一眾同樣擁有大芒,而且規格都相當有睇頭的對手之中又能否脫穎而出呢?真係要睇過先知了。

對決 G4 、 Note 5 ! Sony Z5 Premium 主打 4K 芒你撐唔撐?


大芒機皇大混戰! Z5 Premium 解像度高、 Note 5 尺吋最大

以現時係 Samsung 、 LG 、 HTC 同 Sony 四個最受港人所歡迎的 Android 大牌子當中,係新大芒旗艦方面當然要提到 LG 的 G4 同埋 Samsung 的 Galaxy Note 5 。(可能網友都會問點解又係比 G4 ,咁受歡迎自然要多比拼啦!icon)以三部機來講 Sony 的 Z5 Premium 當然係有一定優勢的,因為係 5.5 吋屏幕上再用上左 4K 的解像度,比起其餘兩者的 2K 解像度更強,相信發佈前都仍有好多朋友不相信 Sony 會直接跳過 2K 解像度而推出 4K 吧!但係大細上因為 Note 5 係唯一一部有 5.7 吋大小的旗艦,所以計大細的話就會係 Note 5 有優勢啦!

係處理器方面,在效能上一般相信 Note 5 係會更具出色的。一來 Note 5 用左自家製的八核心 Exynos 7420 仲配埋 4GB RAM ,即使 Samsung Rom 比較「大食」都可以應付得來。而 Sony 的 Z5 Premium 從數字上來看會居次,不過用上 Qualcomm S810 處理器同埋 3GB RAM 都仍然係主港旗艦的規格。最後就係 LG G4 了,雖然用的只係比起 S810 略為弱少少的 Qualcomm S808 六核心,但係不少網友回應看來都相當正面,證明都係有一流水平的。

黑科技成真!Sony Z5 Premium 奪世界首款 4K 螢幕手機
▲ 係外型上 Z5 Premium 雖然大改,但都多左銀色呢隻新顏色,會否是最受歡迎的款式呢?


主打 2300 萬像素! Z5 Premium 相機能否超越 G4 ?

係相機上方面, G4 的表現所得到嘅好評就不得不提啦,呢部 1600 萬支援 OIS 光學防手震 2.0 鏡頭的旗艦係 f1.8 大光圈支持下在夜拍上表現相當不錯。而同樣有 1600 萬像素同用左 f1.9 大光圈的 Note 5 表現上也不比 G4 遜色很多,同是屬於頂級水準。係呢個情況下 Z5 Premium 突出之處除左係像素方面較高外,看來就要靠 0.03 秒對焦同埋 5x Clear Image Zoom 等功能去爭取大家的支持了。

最後係電量方面,呢樣有可能成為 Note 5 的弱點了,因為係只有 3000mAh 同時又不能換電實在會令人擔心啊。而 G4 雖然都只有 3000mAh 的電量,但係在可以換電的情況下其實問題不大。 Z5 Premium 有擁有三者之中最多的電量,有成 3430mAh ,但係在發佈後就有不少網友擔心 4K 大芒會成為耗電隱憂。可以見到其實電量真係而家旗艦機中一個相當多用家擔心的一環呢!

黑科技成真!Sony Z5 Premium 奪世界首款 4K 螢幕手機
▲ 係電量方面 Sony 強調 Z5 Premium 的3430 mAh 電池足以支援長達 2 天!

唔知大家係睇完 Sony 新機發佈會後,又覺得三部旗艦中邊一部係最岩心水呢?睇完以下規格比拼一齊留言講講啦!icon

對決 G4 、 Note 5 ! Sony Z5 Premium 主打 4K 芒你撐唔撐?
▲ Click 入去就可以睇到三部機的規格比拼啦!

Sony Xperia Z5 系列發佈會文章
[推到完場] Z5 新機三連發? Sony Xperia 新機發佈會現場直播
-  Sony Xperia Z5 Premium, Z5 Compact + Z5 真機規格確定
-  Sony Z5 三機真機速睇
-  對決 G4 、 Note 5 ! Sony Z5 Premium 主打 4K 芒你撐唔撐?
-  第一 4K 芒手機 四個你要知嘅 Sony Xperia Z5 Premium 秘密
-  Sony 推出兩款全新耳機   有 Hi-Res 新機

Sony Xperia Z5 在文章刊登時,未有賣價,按這裡有詳細規格及最新報價
Sony Xperia Z5 Compact 在文章刊登時,未有賣價,按這裡有詳細規格及最新報價
Sony Xperia Z5 Premium 在文章刊登時,未有賣價,按這裡有詳細規格及最新報價
發表於 2015-09-03 08:35
2 樓

冇光學防手震,影相幾勁吹到識飛都冇用icon明明sony自己出既相機主打防手震,電話就冇icon
發表於 2015-09-04 01:35
3 樓
手機影相的話,OIS 比較有用。
手機拍片的話,DIS 比較有用。
拍 4K 片的話,市面上大部份機款都會自動關閉 OIS,DIS 更加唔使講。(暫時好似只得 Note 5 有,開晒……)
如果 Z5 拍 4K 片有 DIS,都算佢勁。
您可能也喜歡▼