完美大小 5.2 吋手機!Sony Xperia XZ、X Compact 規格立即睇!

2016-09-01 17:56
版主發現 Sony 手機有個有趣現象,每次推出新機,總會有地方比上代好,但與此同時,往往又會抽走一些上代原有的優點,總是無法推出到一部真正完美的手機。就好似去年旗艦機 Z5 Premium 為例,無錯 S810 處理器可能會有過熱問題,但勝在有 5.5 吋芒;到了新系列 X Performance,改用了 S820 處理器,效能好左,解決了過熱問題,但居然又得 5 吋芒,而且都係得 3GB RAM,今時今日旗艦機黎講,3GB RAM 似乎太少了。而今日 Sony 發表的 Xperia XZ 以及 Xperia X Compact,會唔會都有同樣的情況呢?睇下文啦!

完美大小 5.2 吋手機!Sony Xperia XZ、X Compact 規格立即睇!

旗艦機款,有 5.2 吋芒但依然係 3GB RAM
首先講左旗艦機種 Xperia XZ 先,值得一讚的是,今次在屏幕尺寸上,Sony 終於選用了最受香港人歡迎的尺寸-5.2 吋,同樣都是 FHD 解像度,這個 size 應該比起 X Performance 的 5 吋還要吸引﹐有黑、銀、藍三種顏色。在硬體規格方面,Sony Xperia XZ 跟 X Performance 一樣,配備了 Qualcomm Snapdragon 820 處理器,在效能方面應該相當不錯,但版主用過好部 S820 手機,並不算是特別省電。

好了,效能有,屏幕尺寸都係最 FIT,記憶體方面又如何?可惜的是,Xperia XZ 並沒有將記憶體提升至 4GB RAM,依然用上 3GB RAM + 32GB ROM 的配置。另外,Xperia XZ 採用了 2300 萬像素主鏡頭,同樣支持 X Performance 上 0.6 秒快速啟動連拍攝功能,更加入了五軸電子防手震系統,支持 4K 錄影,並具備 IP68 等級防水防塵以及指紋辨識,電池方面則有小提升,有 2900mAh。

整體來說,Xperia XZ 相比上半年旗艦 Xperia X Performance 更好,當然賣價方面就可能會貴點吧?版主 Keith 今早已經爆料,話香港賣價會超過五千,不過估計來到香港就會有即減,預計同 X Performance 個賣價差不多吧!

*** 補充資料:根據官網,Xperia XZ 原來是有 64GB 雙卡雙待版本的!而版主 Keith 早上時爆料,香港嘅上市版本會係雙卡雙待,如果係咁,咁即係香港賣的應該會有 64GB 才對。***

完美大小 5.2 吋手機!Sony Xperia XZ、X Compact 規格立即睇!
▲ 一開波講手機,就黎個 Xperia XZ 的 Hands On!

完美大小 5.2 吋手機!Sony Xperia XZ、X Compact 規格立即睇!
▲ 機身用上了精煉鋁合金材質打造,而且可以見到,在 2300 萬像素主鏡頭下,會有閃光燈,今次個設計,版主覺得幾靚。

完美大小 5.2 吋手機!Sony Xperia XZ、X Compact 規格立即睇!
▲ 旁邊同以往 Xperia 機一樣,都係有指紋辨識,設計無改。

同 Xperia XZ 一樣有 3GB RAM,但前置鏡頭縮水 + 無防水防塵
至於 Xperia X Compact 呢?話明 Compact,好明顯地 Xperia X Compact 的屏幕係會比 Xperia XZ 細,只有 4.6 吋,而解像度亦只有 720p。如果話 Xperia XZ 係針對主流消費者,那 Xperia X Compact 應該就是針對喜歡細芒的用家,有黑、白、藍三種顏色選擇。相對於 Xperia XZ,Xperia X Compact 的硬體規格屬於中階定位,配備 S650 處理器,內置 3GB RAM 以及 32GB ROM,並具備 2700mAh 電池。另外,Xperia X Compact 具備指紋辨識功能,但就沒有 Xperia XZ 上的 IP68 防水防塵設計,機身亦不是用上金屬材質,而是陶瓷風烤漆打造而成。

相機部份,主鏡頭同 Xperia XZ 一樣,都有 2300 萬像素,而且同樣具備快速啟動連拍攝、五軸電子防震等功能,但可惜因為唔係 S820 U,只有 S650,變左唔支持 4K 錄影。而前置鏡頭上,明明 1300 萬像素自拍鏡頭都算係一個賣點,但偏偏在 X Compact 上又抽走左,只有 500 萬像素,這點實是可惜。即係話,想用 4.6 吋細芒嘅,就無得 4K 錄影 + 高像素自拍;但喜歡細芒機同埋自拍,又未必會考慮 5.2 吋芒。你又會點㨂呢?

完美大小 5.2 吋手機!Sony Xperia XZ、X Compact 規格立即睇!

Sony Xperia XZ 在文章發表時,香港上市日期未定,按這裡有詳細規格及最新賣價
Sony Xperia X Compact 在文章發表時,香港上市日期未定,按這裡有詳細規格及最新賣價

Sony IFA 2016 Xperia XZ / X Compact 發表及評測相關文章
芒更大、相機更強? 獨家爆十月新機 Sony Xperia XZ 官方規格 + 賣價
完美大小 5.2 吋手機!Sony Xperia XZ、X Compact 規格立即睇!
相機都有黑科技!三個 Sony XZ/X Compact 必知的功能
FB Live 試玩直播! Sony Xperia XZ / XZ Compact
延長電池壽命!Sony Xperia XZ、X Compact 充電技術大改造!
【內附多圖】Hands On!Sony Xperia XZ / X Compact 外型評測!
 
您可能也喜歡▼