中階機款,相機旗艦級!Sony XA1、XA1 Ultra 容量大提升!

2017-02-25 19:47
之前版主同大舖店員吹開水,話 Sony 三四月左右,會有兩部中階手機開賣,本來仲以為,今次 MWC 大展,Sony 應該不會有旗艦手機啦!點知估錯左,既有旗艦,又有中階。旗艦就有 Xperia XZ Premium、Xperia XZs,而中階就有 XA1 以及 XA1 Ultra。有關旗艦新機的詳情,可以按這裡睇番,本文版主就會同大家講下,到底 XA1 同 XA1 Ultra 有乜特別。睇下文啦!

中階機款,相機旗艦級!Sony XA1、XA1 Ultra 容量大提升!-0

好有趣的是,估唔到 Sony Xperia XA 同 XA Ultra 嘅後繼機,居然唔係叫 XA2,亦都唔係好似傳聞咁,叫 XA (2017),而係叫做 XA1 同 XA1 Ultra,版主總是覺得怪怪的,不過算了,都係名一個啫!呢兩部手機預計於 2017 年春季上市,同大舖店員講的三四月不謀而合。
 

外觀設計跟上代幾乎無分別,同樣採用超窄邊框

Sony 呢兩部 XA1 系列新機,在外觀上繼承了之前 XA 系列的超窄邊框設計,屏幕大小同埋解像度都同舊款的一樣,XA1 用上 5 吋 HD 屏幕,而 XA1 Ultra 則用上 6 吋 FHD 屏幕,而整體造型上亦都用番 Sony Mobile 近期好興嘅 Unified Design 設計,由外至內都係講求一致性,呢種咁嘅設計,唔知網友又喜唔喜歡呢? 至於顏色方面,兩部新機同樣有黑色、白色、粉紅色以及金色四種選擇。

中階機款,相機旗艦級!Sony XA1、XA1 Ultra 容量大提升!-1
▲ Xperia XA1 有四種顏色,分別為白、黑、粉以及金。

中階機款,相機旗艦級!Sony XA1、XA1 Ultra 容量大提升!-2

中階機款,相機旗艦級!Sony XA1、XA1 Ultra 容量大提升!-3
▲ 同 XA 一樣,用上了窄邊框設計,網友又喜歡不?
 

中階手機,旗艦級相機配置!

睇番上代嘅 Xperia XA 以及 XA Ultra,兩部機都係主打相機同自拍等功能,而今次新一代嘅 XA1 以及 XA1 Ultra,在主相機的規格上更有進一步嘅升級。XA1 以及 XA1 Ultra,採用了跟 Z5 同級的 1/2.3 吋 2300 萬像素 Exmor RS 感光元件,並支援 0.6 秒快速啟動連拍攝、混合自動對焦等功能;而前置相機方面則同上代無分別,XA1 內置 800 萬像素前置相機,而 XA1 Ultra 則配備了 1600 萬像素光學防手震前置相機,並內建自拍閃光燈。

中階機款,相機旗艦級!Sony XA1、XA1 Ultra 容量大提升!-4
▲ 配備同 Z5 同級的 2300 萬像素相機。

中階機款,相機旗艦級!Sony XA1、XA1 Ultra 容量大提升!-5
▲ Sony 表示就算在低光環境下,拍攝表現都會相當出色。

中階機款,相機旗艦級!Sony XA1、XA1 Ultra 容量大提升!-6
▲ 同時亦有自動追焦功能。

中階機款,相機旗艦級!Sony XA1、XA1 Ultra 容量大提升!-7
▲ 前置鏡頭有 800 萬像素。
 

配備 MTK P20 處理器,記憶體、儲存容量大升級!

至於其他配置方面,XA1、XA1 Ultra 同樣配備了 MTK Helio P20 八核心處理器 (又係 MTK......),無錯雖然呢粒 U 會比上代 P10 效能更好,但 MTK 喎,就唔係個個會受。不過值得一讚的,應該係呢兩部手機嘅記憶體以及儲存空間,終於都肯升級!

唔好講笑,上代 XA 同 XA Ultra,兩部都係得果 16GB ROM,XA 仲衰,連 RAM 都得 2GB (XA Ultra 有 3GB),放到今時今日來說,真係唔夠用。不過去到新一代,版主都要俾個讚 Sony,XA1 升級至 3GB RAM + 32GB ROM,而 XA1 Ultra 則升級至 4GB RAM + 64GB ROM,雖然容量唔算特別大,但相信都夠大部份人使用。另外,兩部新機亦支持 MTK PE2.0 快充技術,同時亦都可以擴充記憶卡,而 XA1 Ultra 更支持「真三卡」,可以同時放置兩張 SIM 卡以及一張 microSD 記憶卡。

整體成部機大致係咁,價錢方面版主估計,都係同上代的開價差不多,唔知網友對呢兩部中階手機,又有啲乜嘢睇法呢?留言一齊討論下啦!

Sony Xperia XZ Premium 在文章發表時,香港上市日期未定,按這裡有詳細規格及最新賣價
Sony Xperia XZs 在文章發表時,香港上市日期未定,按這裡有詳細規格及最新賣價
您可能也喜歡▼