【必睇濕身戰】 Xperia XZs VS iPhone 7 潑水節慢拍比拼

2017-04-12 16:26
「香港潑水節」其實將泰國新年搬到香港慶祝!係全香港最多泰國人嘅地方,九龍城舉行!舉辦當日,成條城南道都封閉咗,俾人大玩水槍大戰,感覺你去左曼谷一様。咁好玩嘅 Moment,當然要影低、錄低佢。龍友們一個二個都要用防水袋包住部手機相機。今次我特登帶兩部防水手機就唔駛驚,一部係 IP67 防水規格嘅 iPhone 7,另一款係規格更高,支援 IP68 嘅 Xperia XZs。兩部都拍到 Slow Motion 影片,操作上,功能上,成像上面有乜唔同?XZs 大戰 iPhone 7 @ 香港潑水節。

【必睇濕身戰】 Xperia XZs VS iPhone 7 潑水節慢拍比拼

960fps 超慢拍攝勁屈機
Slow Motion 慢動作拍攝唔係新玩意,iPhone 係第六代已加上去,操作都叫易用,揀選 Slow Motion 模式就可以了。Xperia XZs 在操作上,技術上都改進了。首先,iPhone 7 與其他手機一様,Slow Motion 拍攝只有一種模式,就係以每秒 120 格拍攝。而 Sony 在 Xperia XZs 加入的「超慢動作拍攝」功能,有兩種玩法,首先係拍攝短片時,係最動感嘅一刻按掣,手機會用 960fps 立即記下秒間的動作。在播放時,秒間動作會變為約 5 -6 秒的超級慢動作!第二個玩法係直接拍攝秒間動作,再以 5-6 秒方式呈現。Xperia XZs 的超慢動作拍攝,比起其他手機用慢 32 倍的速度­來進行超慢鏡重播,以潑水節水槍大戰為例,連撥去頭髮的水點,都可以係「超慢動作」模式下,睇得到呢種連肉眼都唔切嘅畫面,可以做到咁慢暫時係市面上唯一,玩意上嬴哂!

【必睇濕身戰】 Xperia XZs VS iPhone 7 潑水節慢拍比拼

【必睇濕身戰】 Xperia XZs VS iPhone 7 潑水節慢拍比拼
▲ iPhone 7 嘅 Slow Motion 拍攝介面,好易搵出來 (上圖)、而 Xperia XZs 今次都改進了!係短片拍攝模式多了一個指示,即紅點上面的按鍵,按入就可以進入慢拍模式 (下圖)。

【必睇濕身戰】 Xperia XZs VS iPhone 7 潑水節慢拍比拼
▲  Xperia XZs 慢拍模式有三種:超慢動作、超慢(單鏡) 及慢動作,下面會再解釋一下。


▲ Sony Xperia XZs 960fps 超慢動作拍攝,其實分兩種,呢款 (即拍攝目錄中的超慢動作) 係拍攝過程裡面,你認為要用超慢動作記下的時刻,按掣就可以。佢會將秒間嘅動作,用每秒 960 格記下,播放時會變為約 5-6秒重播。


▲ 另一款就好似呢款咁 (即拍攝目錄中的超慢單鏡) ,一開始以係 960fps 超慢動作拍攝,同様以超慢速度播放出來。留意一下,畫面好細緻!


▲ 呢段 Video, 開首是用 iPhone 7 拍攝的慢動作,而下半部則是 Xperia XZs,同樣以 120fps 方式拍攝 (即拍攝目錄中的慢動作)。XZs 與 iPhone 7 的120 秒慢拍最大不同之處,是你可以係一段 Video 裡,分成不同慢拍段落。而 iPhone 7 只能做到一段。
 

預測拍攝 乜都唔會 Miss

Sony Xperia XZs 係影相方面,有另一個強項,就係 Predictive Capture (預測拍攝)。係潑水節水槍大戰裡面,要影到最過癮一刻唔易架,因為每部人都在走動,表情也在變化。Xperia XZs 嘅 Predictve Capture  功能,其實預設開著,只要相片構圖裡,有主體移動,好似係不停走動嘅人,突然對住你射水嘅人,XZs 鏡頭會在你按快門前自動開始拍攝,共多達 4 張1900萬像素相片,用來拍攝水槍大戰十分適合。

【必睇濕身戰】 Xperia XZs VS iPhone 7 潑水節慢拍比拼
▲ 呢組係 XZs 用 Predictive Capture 拍到同一個畫面的秒內變化!你可揀選當中最好的一張來用,或四張都保存起來。只要你放大呢張圖,你會留意到騎在膞頭的小朋友,有時會唔好彩 cap 到雙眼剛剛半合狀態,呢個時候有 Predictive Capture 就可以四張裡面揀選最傳神嗰張。

以下就係用 Xperia XZs 拍攝嘅現場圖片!大家覺得如何?
————————————————————————  【必睇濕身戰】 Xperia XZs VS iPhone 7 潑水節慢拍比拼 ————————————————————————   【必睇濕身戰】 Xperia XZs VS iPhone 7 潑水節慢拍比拼 ———————————————————————— 【必睇濕身戰】 Xperia XZs VS iPhone 7 潑水節慢拍比拼 ———————————————————————— 【必睇濕身戰】 Xperia XZs VS iPhone 7 潑水節慢拍比拼 ————————————————————————  

 

 小結:Xperia XZs 防水功能不在話下! 攝力強慢怕超好玩
雖然有人說 XZs 只係 XZ 的小升級,但實際上相機部份其實有不少改動,都係向好個方面進發。尤其 960fps 慢怕,可以做到平日手機拍唔到嘅畫面,而 Predictive Capture 功能,亦有異曲同工之妙。呢方面,iPhone 7 鏡頭暫時就未能追得上。未來 iPhone 8 係點就無人知,但呢一刻,Xperia XZs 嘅可玩度係相當高。最後一提是 Xperia XZs 與 iPhone 7 雖然都有防水功能,兩部機經過水槍大戰,都無任何入水損壞,都係要一讚呢兩款防水手機! 但 XZs 有著 Sony 防水手機都有嘅 Wet Finger Control,雙手濕住水都可以點到屏幕功能,係呢方面 iPhone 7 就相對唔係好靈敏,令用 iPhone 7 拍水戰過程不太順暢。可見防水手機,還是 Sony 最夠經驗。

資料由客戶提供
快加入會員賺 EP!累積點數、免費換優質商品
您可能也喜歡▼