抵玩過 G6!Sony 旗艦手機限時破底價推廣!立即搶

2017-06-19 21:44
剛剛版主先講過,因為 S835 處理器時差問題 (未能年頭應市),加上 HTC U11 賣得平,本來係 LG 嘅旗艦 G6 反應不算好,幸得大舖店員繼續力撐,唔知訂嘅用家,好多都會買咗。但積極係大舖賣機嘅,點止係 LG,仲有 Sony!今次有網絡商選擇搵佢來減!將 G6 同期嘅 Xperia XZs 來過終極一減!價錢更平,令 LG G6 真係復背受敵。

抵玩過 G6!Sony 旗艦手機限時破底價推廣!立即搶-0
 

3 香港有八十部機做推廣

有留意 3 香港網站,每個星期五都有減價手機 (淨機,不用上台)。係 6 月 22 日之前,做緊幾款手機減價。有幾款真係賣極都賣唔出,例如 iPhone SE。可能係 16GB 關係,買咗可能連 WhatsApp Backup 都放唔落,二千五蚊都去唔到貨!今期加入了新意:Sony Xperia XZs。雖然呢期有大賣廣告嘅 Xperia XZ Premium,但 XZ Premium 手機裡面嘅技術,特別係 Motion Eye 相機系統,Super Slow Motion 拍攝,其實 XZs 都玩得到。不過 XZs 唔係 5.5 吋芒手機,亦唔係用 S835 處理器,當 XZ Premium 一出,感覺就過咗氣。但 S835 與 S821 效能係咪差好遠?可能係嘅,但一分錢一分貨,當 XZ Premium 一蚊都唔肯減,企硬左係 $5998 嗰陣,3 香港網站,把 Xperia XZs 平賣到 $4098,差價足千九蚊嗰陣,你買 XZs 可能仲更加開心,千九蚊可以去多次日本、台灣旅行?不過,最慘都係 LG G6,大舖本來已貴過 XZs 兩舊水,但今次 3 香港推八十部優惠 XZs 以平過大舖價來賣,差價更多,LG 可能又少左八十個用家。係呢爭分奪秒手機市場,都真係慘豬豬架。


抵玩過 G6!Sony 旗艦手機限時破底價推廣!立即搶-1
▲ 想買 XZs 就要 Click 呢到,有兩隻顏色揀

抵玩過 G6!Sony 旗艦手機限時破底價推廣!立即搶-2
▲ XZs 限量賣價,但都有八十部咁多,似乎 3 香港存左好多貨喎。


Sony Xperia XZs 在文章發佈時,連鎖店賣價為 $4498。按這裡有更詳細規格及最新賣價
LG G6 在文章發佈時,連鎖店賣價為 $4698。按這裡有詳細規格及最新賣價
 
多謝支持 ePrice.HK