版主收風話你知!Sony Xperia 1 III 香港幾時開賣

2021-04-08 19:36
一直都無乜 Sony 新機的消息,然而自之前確定咗會在 4 月 14 日舉行發佈會之後,就開始有關於新機嘅傳聞流出,就好似手機的外型。無錯,如無意外 Sony 今次推出嘅手機,會係 Xperia 1 III 以及 Xperia 10 III,而版主亦同相熟線人八過,到底當中的 Xperia 1 III 香港會幾時賣。想知詳情,睇下文啦!

版主收風話你知!Sony Xperia 1 III 香港幾時開賣-0

根據版主目前掌握到的消息,Sony Xperia 1 III 香港預計會在 5 月正式開賣,據聞會比 Xperia 10 III 遲少少開賣。四月發表,五月開賣,若果消息準確的話,其實今次算係幾快手,畢竟唔知大家有無印象,以前 Sony 手機好多時都係,人哋發表咗好耐,等咗幾個月先嚟到香港,咁若果只係相距一個月,我又覺得算係唔話得。唔知網友又點睇呢?

(頭盔MODE: 以上係版主收風初步消息,之後會唔會 Delay 就唔到我控制,當然若果版主收到進一步消息,會再同大家 Update 一下。)

根據先前傳聞,Xperia 1 III 可能將採用 6.5 吋 4K OLED HDR 屏幕,屏幕亮度比上一代高 15%;另外手機也會配備高通 S888 旗艦處理器、12GB/16GB RAM 與 256GB/512GB UFS 3.1 儲存空間版本,並將用上三組 4800 萬像素的鏡頭,而其中單位面積最大的主鏡頭,很有可能支援 QPAF,也就是 Quad-Pixel 四像素對焦模組,而還有 2×2 OCL (On-Chip Lens) 感光技術,相信會應用在望遠鏡頭,透過四合一像素合併的功能,用在長焦攝影的部分上;當然 IP65/68 防水也是沒有遺漏。
您可能也喜歡▼