Sony Xperia Z1 行貨 $5,080 有交易? ZU 場價 $4,400 起!

2013-10-03 18:01
又到版主同大家行場報價的日子了,最近都有唔少網友問 Sony Xperia Z1 和 Xperia Ultra 的最新場價,今次就帶大家睇睇先達場內呢兩部機賣價幾多吧!另外,亦有網友關心網上團購/細鋪入手的 Sony Xperia 手機有冇保養,版主就向 Sony 方面查詢過,想知就入黎睇睇吧!

Sony Xperia Z1 行貨 $5,080 有交易? ZU 場價 $4,400 起!
 

Sony Xperia Z1 最平 $5,080 有交易!有冇保養要留意!

首先講講 Sony Xperia Z1 吧,計起來這部機上市仍然未夠一個星期,但版主已經在先達場內見到幾部二手機了,價錢由 $5,300 ~ $5,500 左右,其中一部版主攞過上手玩發現都算新淨,可是隔了兩個鐘再睇就發現已經賣出了,在這個價錢下真的吸引嗎?說起來,場內 Sony Xperia Z1 的行貨價錢由 $5,080 至 $5,580 都有,同是行貨點解價錢會差幾百呢?

版主留意到,賣 $5,080 的那部 Sony Xperia Z1 是沒有 Sony 特約代理 TSN 的貼紙,那麼隨時會沒有行貨保養,亦有機會誤買水貨,我亦問過其他幾間鋪,他們確定自己的貨源是由 TSN 提供,亦展示過盒上面的 TSN 貼紙,但今日版主向 Sony Mobile 查詢過即使有 TSN 的貼紙都未必有保養的。(詳情見下文)

Sony Xperia Z1 行貨 $5,080 有交易? ZU 場價 $4,400 起!
▲場內最便宜的 Xperia Z1 盒上沒有 TSN 的貼紙,老實說這個價錢比起二手機還要便宜,值唔值得博就見仁見智了
 

Xperia Z Ultra 3G / 4G 差價近 $1,000 !

另外超薄身的 Sony Xperia Z Ultra 4G LTE 版亦在九月上市了,根據版主的觀察反應比起之前推出的 3G 版好得多,畢竟都是用上了 Qualcomm S800 四核處理器的機皇麻,而那個 1920 x 1080 的 6.4 吋 IPS 屏幕,喜歡睇片的網友應該會愛上吧(版主 Eddie 表示:用 Z Ultra 的那段日子,上網睇片/漫畫的 Data 用量直線上升icon),就看大家是否能接受 800 萬像素相機+沒有補光 LED 燈的夜攝表現了。

在先達場內的行貨 Xperia Z Ultra 價錢大概在 $4,400 至 $4,800 左右,比起官方建議價便宜接近 $1,600,亦有唔少係由百老匯、豐澤等大鋪放售到先達的「全新機」,如果不需要 4G LTE 的話價錢只比 Samsung Galaxy Mega 貴幾百,算係唔錯的大芒選擇。至於 4G LTE 版方面,場內最便宜的行貨賣 $5,480 ,和 Samsung Galaxy Note 3 LTE 版在場內的價錢差不多,要選擇哪一部就看個人喜好了。

Sony Xperia Z1 行貨 $5,080 有交易? ZU 場價 $4,400 起!
▲ Sony Xperia Z Ultra 3G/4G 版相差 $1,000 左右,如果考慮入手 3G 版的話其實場價比官價平很多的。
 

團購/細鋪有冇保?唔係睇貼紙就知道?!

版主最近都留意到,坊間有團購以特別便宜的價錢賣 Sony 的旗艦機,根據團購的細則店家表示他們賣的是行貨,亦提供一件保養。但這個特別吸引的價錢和版主打探回來的來貨價差不多,我問過相熟的店主,他認為這個價錢是「冇肉食」的,點解可以用這個價錢賣機就不得而知了。

當然我們亦向 Sony Mobile 的內部人士查詢過這個團購優惠是否有官方保養,而得回來的答案是:「冇保養」;同時 Sony 亦提及有 TSN 貼紙的亦有機會是細鋪再派貨出來,沒有 TSN 單據都是得不到保養的,如果大家覺得場內入手太麻煩,又會唔會考慮去大鋪買機呢?

Sony Xperia Z1 行貨 $5,080 有交易? ZU 場價 $4,400 起!
▲以上是 Sony Mobile 授權的代理商,他們亦表示將會繼續跟進團購的保養問題,用這個價錢入手的網友隨時會中伏,大家又信唔信團購買機呢?網友們留言分享一下睇法吧!

文章刊出的時侯, Sony Xperia Z1 定價 $5,998 ,按此看詳細規格和最新價錢。
文章刊出的時侯, Sony Xperia Z Ultra (3G) 定價 $6,198 ,按此看詳細規格和最新價錢。
文章刊出的時侯, Sony Xperia Z Ultra (4G) 定價 $6,398 ,按此看詳細規格和最新價錢。
發表於 2013-10-03 20:43
2 樓

 
發表於 2013-10-03 20:47
3 樓

唔同牌子都有唔同既走勢既,之前我都報導過唔同機款跌價的情況,其實 Android 機都好難保值的了……icon
發表於 2013-10-03 21:02
4 樓
ZU 4G 屈臣氏集團員工優惠先4862
發表於 2013-10-05 11:16
5 樓

不如叫SONY 發聲明, 除左係果幾間買機果D先行貨, 唔係全部係水貨, 本地機都唔係行貨, 其實擺明搵笨唔想保養
您可能也喜歡▼