今期最抵?千一蚊,魅族 M5 Note 性價比完勝小米?
小米手機,雖然係平,但影相真係唔係咁容易令人接受。而今次版主要說的抵玩手機,係魅族 M5 Note。版主發現,魅族 M5 Note 出現了一個新低價,只要你去 CMK 張毛記,用交通銀行信用卡簽賬,就可以 $1099 的價錢,買到魅族 M5 Note。呢個價,算係幾抵玩。有網友可能會覺得,唔係喎,交通銀行信用卡咁偏門,有幾多人會有呢?咁其實呢個絕對不成問題,好多人都會為着數而開卡,你又會唔會呢?▲ 張毛記 CMK 今個月起推出交通銀行信用卡優惠,當中魅族 M5 Note 只售 $1099,性價比好高!
死對頭!網友會揀魅族,定小米?
$1099 呢個價,仲有無更好選擇呢?其實應該咁講,去到呢個價錢,選擇就真係唔多,叫做第二選擇、同樣玩性價比的,最終都係要講番小米。就以紅米 5 為例,csl. 賣到 $999,同樣係內置 3GB + 32GB,而且係用 Qualcomm S450 處理器。而講到影相質素,魅族則會好過小米。相差 $100,唔知網友會揀用 Qualcomm U、但影相相對較差的紅米 5,還是用 MTK U、但影相相對較好的魅族 M5 Note 呢?
高屏佔比 Sharp S630 手機,跌到 $1780
小米其實都仲有個高配版嘅紅米 5 Plus,用 S625 處理器,粒 U 出名夠慳電,你又會唔會諗呢?csl. 現時賣價為 $1399,不過如果俾多 $400 左右,你就可以入到部非小米、仲要用 S630 處理器的手機,或者會更有吸引力?講緊嘅係 Sharp AQUOS S2 (標準版),SmarTone 最近又降價,減到去 $1780,有 S630 U + 4GB RAM + 64GB ROM,電量都有 3020mAh,呢個價好似唔錯過小米,你同意嗎?▲ 高配版都由 $2880 減到 $2580。
魅族 M5 Note 在文章發表時,張毛記 CMK 賣價為 $1099,按這裡有詳細規格及最新賣價。
紅米 5 在文章發表時,csl. 賣價為 $999,按這裡有詳細規格及最新賣價。
紅米 5 Plus 在文章發表時,csl. 賣價為 $1399,按這裡有詳細規格及最新賣價。
Sharp AQUOS S2 (標配版) 在文章發表時,SmarTone 賣價為 $1780,按這裡有詳細規格及最新賣價。
Sharp AQUOS S2 (高配版) 在文章發表時,SmarTone 賣價為 $2580,按這裡有詳細規格及最新賣價。