5.7 吋芒 小米 Note 人仔 2299 打殘 iPhone 6 Plus?

2015-01-15 15:18
今日 15/1 小米就係北京舉行左旗艦新機發佈會,正式發佈小米 Note ,以 5.7 寸大芒以及雙面曲面玻璃設計為賣點。仲有兩個版本,最平  2299 人仔用 S801 CPU,另有頂級配置版,用 S810 CPU、2K 芒、4GB RAM!想知詳細規格係點?入黎睇過你就知道!

5.7 吋芒 小米 Note 人仔 2299 打殘 iPhone 6 Plus?
 

雙面曲面玻璃 厚度 6.9mm 但唔防水

小米 Note 係外型上強調比 iPhone 6 Plus 薄同埋輕,但屏幕比 iPhone 6 Plus 大為賣點。小米 Note 尺寸大小為 155.1 x 77.6 x 6.95mm,光學防手震相機部份厚度係 6.95mm,(小米更加為將平面光學防手震相機申請埋專利)另外小米 Note 重量就係 161g 。係物料方面就用左金屬邊框同埋雙面曲面玻璃,前面係 2.5D 康寧 Gorilla Glass 3 曲面玻璃,後面就係 3D 康寧 Gorilla Glass 3 曲面玻璃,小米話用左呢種新技術之後手機一樣襟跌而玻璃亦唔易碎,不過維修成本就好高,同時亦都唔防水。因為咁小米就特地推出左199 人民幣的意外保,保修範圍包埋濕水而壞左或者跌爛的手機 (不過,唔知香港有無啦)。最後,係顏色方面小米 Note 有黑、白兩色可以選擇。
 

5.7 吋 FHD 屏幕,賣點叫 「陽光屏」

係屏幕方面,小米 Note 用上  FHD 或  2K 解像度的 JDI 屏幕。特色方面,小米 Note 的屏幕上就有 NTSC 95% 的色彩飽和度, 1400:1 的超高對比度,同埋像素超高對比度調節,作用係強光下會更清晰,平時更慳電,小米就稱之為「陽光屏」。另外係屏幕模式上小米都加左護眼模式,即係將屏幕調得偏黃。又有單手模式,係手機底部向左一劃就可以啟動。
 

1300 萬像素相機 + 400萬像素 UltraPixel 前鏡頭

相機方面,小米 Note 用左 Sony 1300 萬像素 IMX214 鏡頭模組,F2.0 光圈,再加上光學防手震元件,配上雙色溫閃光燈。係前鏡頭方面,就係 400 萬像素鏡頭(雷軍話小米 Note 前鏡用上兩年前 HTC ONE(M7) 的 UltraPixel 主鏡頭),最後相機模式方面就有補光模式,可以將閃光燈設為長開再影相。
 

有兩個版本 Qualcomm S801 + 3GB RAM + 3000mAh 電池

小米 Note 會有兩個版本,普通版會係 Qualcomm S801 同埋 3GB RAM,會有16GB ROM 及 64GB ROM 選擇。大家會留意係有一個頂配版本,採用 Qualcomm S810 八核心處理器,配上 4GB RAM 外,更有上 64GB ROM,而呢個版本屏幕由 Full HD 至 2K 解像度。兩個版本,都會採用 3000mAh 電池,並支援快速充電功能。小米 Note 會係雙網通手機,包括中國移動及中國聯通 4G TD/LTE、4G FDD-LTE、3G WCDMA、3G TD-SCDMA 版本。遲下亦會推出同時支援移動、聯通、電信的全網通。

5.7 吋芒 小米 Note 人仔 2299 打殘 iPhone 6 Plus?

5.7 吋芒 小米 Note 人仔 2299 打殘 iPhone 6 Plus?


5.7 吋芒 小米 Note 人仔 2299 打殘 iPhone 6 Plus?

小米 Note  S801 CPU 版本 16GB 內置容量,定價人民幣 2299,約 HK$2879  (1月27日於中國大陸上市) 
小米 Note  S801 CPU 版本 64GB 內置容量,定價人民幣 2799,約 HK$3505  (1月27日於中國大陸上市) 
小米 Note  S810 CPU 版本 64GB 內置容量,定價人民幣 3299,約 HK$4131   (3 月份於中國大陸上市) 

小米 Note 相關文章:

小米 5 定 小米 Note 直接現身?令人「驚喜」的小米產品即時發佈!
不是小米 5 !小米將新機命名為小米 Note
人仔 2299 打殘 5.7 吋芒 小米 Note 發佈 + 功能介紹
小米 Note 實機圖賞
4GB RAM 小米 Note 頂配版 大戰 Nexus 6 你點揀

小米 5 都有 Touch ID 這是向 iPhone 6 Plus 致敬嗎?
窄邊框設計 疑似小米 5 真機相片流出
限量 5 萬部更難搶!傳小米 5 將採用藍寶石玻璃螢幕
小米手機 5 用金屬質感更似 iPhone ?傳聞價錢再貴 15%
小米 5 的真機和跑分都流出了!這樣的規格會令你失望嗎?
小米 5 超薄機身確認?威過 iPhone 6 不過仍然輸比…
小米官方:貴一倍有人衝?小米 5 旗艦機 網友問 版主試!

您可能也喜歡▼