唔玩秒殺 唔使搶 更加冇炒價?版主教路小米 4i 簡單入手方式!

2015-05-12 10:16
今日中午 12 點就係小米 4i 正式係香港開賣既日子,今次佢地話免預約直接賣,但係版主就覺得反應只是一般,可能是因為內置容量只有 16GB 又沒得外置插卡這個「罩門」吧,其實今次大家唔使 12 點係電腦面前等「秒殺」,因為其實已經有門市可以買到小米 4i ,你地又點睇?

唔玩秒殺 唔使搶 更加冇炒價?版主教路小米 4i 簡單入手方式!-0
 

小米 4i 於 csl. 門市有淨機賣!上台出機=帶機上台+ $1200 抵唔抵?

今日 12 點正式可以在網上購買的小米 4i ,定位應該是中階規格的高性價比手機吧!它用 5 吋的 1920 x 1080 解像度屏幕第二代 Qualcomm S615 八核心(1.7GHZ+ 1.1GHz),配 2GB RAM 以及內置 16GB 容量(但不能插卡),有 1300 萬像素主鏡頭 500 萬像素前鏡頭組合,內置 3120mAh 電池支援 Quick Charge 2.0 ,還有很多網友忽略了以五模多頻來說, $1,599 是行貨機中算平的價位啦!

其實在 csl. 門市亦有小米 4i 賣,版主跟 csl. 門市店員確認過,佢地話開賣第一日( 5月 12 日)已經可以在 csl. 門市不用上台直接買淨機,價錢是 $1,599 和小米官方完全一樣,不過暫時就未有貨,需要預訂再等取貨。即使在網上「秒殺」都仲要等佢送貨,或者去門市預訂都係一個唔錯,又唔使挨炒價既方式啊!另外版主計算過, csl. 專為小米 4i 而設嘅零機價出機上台月費和「帶機上台」價,表面一樣,但加埋強行要加的增值服務,以 24 個月計,實際貴了 $1,200 左右,即係機價約千二。如果有網友用開 csl. 需要續約或者想上 csl. 台的話,又肯唔肯比多 $1,200 去換一部小米 4i 回來呢?留言講講吧!

唔玩秒殺 唔使搶 更加冇炒價?版主教路小米 4i 簡單入手方式!-1
▲大家會留意到小米 4i 出機月費跟 「帶機上台」同價,不過在 $18 隧道費以外,要每個月比 $49 增值服務。24 個月的差價就= $49 x 24 = $1,176 ,所謂零機價,其實只係平少少買部機;大家留意到會有贈品,其實 5200mAh 電池要 6GB 以上月費先送;小米耳筒就要 Trade-in 指定手機先有…icon 唔算好著數。

唔玩秒殺 唔使搶 更加冇炒價?版主教路小米 4i 簡單入手方式!-3
▲現時 csl. 已經展出小米 4i ,亦確認可以買到淨機,不過店員到今天早上都話未番貨,要預訂過幾日後取機,咁樣會唔會快過上網訂再送貨?(感謝網友 Ivan 提供相片)
 

小米 4i 發佈會相關文章:

小米 4i 發佈! 千六蚊有 八核 CPU 跑分四萬分
平價 FHD +高效能大戰!小米 4i 鬥魅藍 Note、ASUS Zenfone 撐邊部?
[多圖]五模多頻 + 新 S615 處理器!小米 4i 真機上手極速睇


無須預約!小米 4i 定價+開賣日期確認!有驚喜嗎?
$1,599 搶唔搶?版主分析小米 4i 衝/唔衝五大理由!
點解 4i 唔支援 SD 卡?小米副總 Hugo Barra :插卡已 OUT

在文章發佈的時侯,小米 4i 香港定價為 $1,599,按此看詳細規格和最新賣價。