玩過先知值唔值~ 港行小米 Note:拒絕發熱上手試!

2015-07-14 17:11
話說早前同大家分享過港行小米 Note 既發售資訊,雖然大陸版賣緊 ¥2499 人民幣,但見到唔少網友留言話開價港幣 2999 元都覺得唔值。如果望個規格,小米 Note 香港版只係用 S801 處理器同全高清屏幕,我紙上談兵未玩過機就咁望都覺得唔太抵玩。當我上手試玩之後就認同兩件事:第一、賣 S801 版本係正確,第二、小米 Note 的造工確實讓小米有信心開 2999 元呢個價錢! 究竟係咪真係如網友們講咁唔值呢? 不妨睇下我既上手體驗,大家一齊討論下啦~

 


上手舒服、質感提升
今次上手玩既係全白色版,正、背面玻璃都用上白色,令手指紋不容易被察覺,而中框係銀色金屬框架。市面上極少採用雙面玻璃加金屬框既組合,而且我體驗是,小米 Note 使用既 2.5D + 3D 玻璃和金屬框造工可以匹敵國際品牌大廠,甚至抽贏韓國塑膠旗艦啦! 揸落冰冷又舒服,5.7 吋屏幕亦能夠做到一手輕鬆揸機,而且完全沒有刮手的問題。撇除小米品牌既偏見,不得不稱讚手機既選材和造工屬於頂級手機之一!

玩過先知值唔值~ 港行小米 Note:拒絕發熱上手試!
▲ 小米 Note 採用窄邊框設計,令屏佔望落相當高,而且機身亦做到窄身少少。

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ 擁有 5.7 吋芒黎講,呢個機身唔到 7mm 厚算細,我只係一個普通男人咋,單手都無難到;背面設計非常令我滿意,點解? 因為夠簡潔,無嗮一堆標誌文字,只有「MI」字樣咋!

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ 屏幕下方既三天王會發光,最左邊既多工按鍵,長按會變成選單鍵;底部有喇叭孔,同標準既 Micro-USB 接口。 

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ 右側金屬音量鍵和電源鍵反饋清脆明確,而左側既雙卡插槽係一大一細既 nano-SIM 和 micro-SIM,支援雙打雙待 4G 切換;頂部當然有 3.5mm 耳機插孔,大家也會見到頂部底部都有兩條白色短短既天線訊號位,加上兩側修窄既設計,好有 Note 4 既感覺。

玩過先知值唔值~ 港行小米 Note:拒絕發熱上手試!
▲ 擁有 F/2.0 大光圈 1300 萬像素 OIS 主鏡頭,以及雙色補光燈,下面會有詳細試相片。


陽光屏加持 5.7 吋大芒靚
點解我係開首既時候話,小米引入標配版小米 Note 係正確選擇呢? 其中一個原因係,如果你對規格無追求,手機用 2K 芒真心無太大必要,唔係個個都有咁精密既眼掛!

玩過先知值唔值~ 港行小米 Note:拒絕發熱上手試!
▲ 一黎我就攞個大燈射住部機,大家見到畫面內既 icons 都清楚睇到,但接近光源既部分就都係唔太望到,但整體表現已經好過大部分旗艦手機。當然面對猛烈太陽,個芒點光都好難同太陽鬥。

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ 可視角度方面大家有眼睇,真心非常好,邊個角度望落去都無明顯偏色情況! 而且呢個係 FHD 芒,當然比 2K 芒省電好多啦!

玩過先知值唔值~ 港行小米 Note:拒絕發熱上手試!
▲ 抗眩光方面,小米 Note 表現符合預期,室外光亂入既情況下,畫面仍算清楚可見。


S801 效能夠嗮日常玩機
最多網友嫌棄港版小米 Note 用 S801,希望引入頂配版既 S810。但我的經驗是,目前連大廠都未能完美駕馭呢粒「噴火龍」,雖然小米有另外加設散熱片,但 S810 遊戲八核全開下仍然逃不了發熱問題,如果係日常玩遊戲、聽歌睇片上網既操作,其實 S801 已經夠玩架啦! 

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ 安兔兔跑分有 47236 分,符合 S801 水平;處理器既然係 32-bit,系統方面就當然係 32-bit 既 Android 4.4.4;64GB 版本既港行小米 Note,實際容量有大約 53GB 左右,無得插卡都夠用啦!

玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
▲ Vellamo 瀏覽器跑分有 4192;金屬得分係 1419;多核分數有 1563。說明在瀏覽網頁,以及處理器核心效能都有著高水準既表現,勝任絕大部分既手機工作。

玩過先知值唔值~ 港行小米 Note:拒絕發熱上手試!
▲ Basemark ES 2.0 Taiji 既圖像跑分結果,理所當然攞到接近滿分既 58.52fps,代表絕大部分既高圖像要求遊戲都順暢運行!

玩過先知值唔值~ 港行小米 Note:拒絕發熱上手試!
▲ 用上 S801 當然無發熱問題啦。CPU-Z 檢測顯示,跑完幾個效能測試軟件後,小米 Note 溫度都唔過 50 度,而我手掌未能感受明顯既熱力。


相機小測試
發布會上最令小米方面自豪既係個鏡頭,同 iPhone 6 會突出既鏡頭相比,小米聲稱維持質素同光學防震既同時將個鏡頭鏟平左! 美學角度黎睇,iPhone 6 個鏡頭真係好醜。但如果只係為左美學而整平個鏡頭,港版小米 Note 究竟係影相方面表現又如何呢? 1300 萬像素 f/2.0 大光圈配 OIS 功能,個人覺得成像方面並無令我驚艷既地方,測光和色溫大部分時間都是準確,而相片質素亦能滿足日常用途有餘架啦! 而前鏡頭採用 Ultrapixel 技術,姐係 HTC 手機果種,我回應一位網友要求,為他尋找出「米女」自拍照作前鏡頭測試。

玩過先知值唔值~ 港行小米 Note:拒絕發熱上手試!
玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!
玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試! 玩過先知值唔值~ 港行小米 Note:拒絕發熱上手試!


總結:品牌係心裡關口
小米 Note 既造工不得不承認已經達到了世界最高水平之一,而且在外觀設計、用料質感甚至比部分國際大廠更為大膽。而且在 S810 熱潮下,標配版既 S801 和省電 FHD 屏幕明顯是更佳既選擇。而目前 5.7 吋左右既選擇並不多,有 2K 芒 S801 既 LG G3,Oppo Find 7a 和 OnePlus One,平均價錢比小米 Note 平少少,但小米 Note 港行係 64GB 版本,加上其他對手都係塑膠機身為主,上手質感我覺得差過小米 Note,咁樣又好難比較。

但最重要既一點係,從網友既反應可見,小米 Note 港行既入手心裡關口,並非在於產品方面,而係過往小米主打性價比,令大眾牢固印上一個「小米 = 廉價」既形象,賣價稍微高多少少就令網友大為不滿,這也屬正常狀況。我在小米 Note 的使用體驗中,對這款產品既硬件評價是非常高,可以說頂得住一線廠旗艦機;但 MIUI 既操作語言有別於公版 Android,而且也加入了不少自家軟件,是否好用就見仁見智。

玩過先知值唔值~ 港行小米 Note:拒絕發熱上手試!

補充一點,係小米 Note 有樣主打既 HiFi 晶片,小弟因時間和技術既關係,難以做到相關既測試。但插入耳機後,有加入獨立晶片既小米 Note 聲底比其他手機是有明顯既提升,還原度確實比較高! 但至於是否達到各位網友「 HiFi 耳」既要求就好難講,Sound Profile 呢樣野真係各有各說。 仲有一樣要提提大家,如果你有中港 4G 需要既話,小米 Note 香港版並不支援中國移動內地既 TDD-LTE 網絡。

各位網友,你地對小米 Note 港版有無野要問? 又或者講下對呢件產品既軟件、硬件有咩睇法啦! 一齊討論下啦! BTW,果位求米女圖既網友,上面令你滿意嗎icon? 

小米 Note 標配版 64GB 在文章發表時,售價為 $2999,詳細規格和發售資訊請參考這裡
發表於 2015-07-15 12:19
2 樓
個妹妹仔好cute~
您可能也喜歡▼