5.99 吋大芒 + 四千大電 有高屏佔比!$1500 買到紅米 5 Plus?

2018-01-23 21:35
小米上年發表的紅米 5 / 5 Plus,終於都等到有香港開賣消息喇!講到好似發表左好耐咁,其實不過是過左個半月左右,但對於呢兩部新機,版主還是有少許期望的。不過,期望的並不是使用體驗有幾好,純粹係在好奇,到底今次呢部 18:9 高屏佔比的紅米手機,到底可以做到有幾平。原本版主估計,香港唔會賣紅米 5,淨係會賣擁有大芒 + 大電的紅米 5 Plus,但小米香港話我知:哎喲!你估錯左了!兩部手機都會上市,幾時賣,賣價會係幾多呢? 見到呢個價,網友會唔會即衝?睇下文啦!

5.99 吋大芒 + 四千大電 有高屏佔比!$1500 買到紅米 5 Plus?

無論是紅米 5 還是紅米 5 Plus,都會在明日起正式在小米之家、小米官網、csl. 等地方有售,率先發售的是黑、金兩色,粉紅跟藍色會稍後再推出。用上 5.7 吋 18:9 芒的紅米 5,香港會賣 3GB / 32GB 版本,賣價為 $1099 ;而用上 5.99 吋 18:9 芒的紅米 5 Plus ,香港則會賣 4GB / 64GB 版本,賣價為 $1499。呢個價,基本上是意料之內的事,畢竟紅米手機本來的定位,就是設於千元價位,唔算有太大驚喜,但一定唔係貴。(24/1 13:50 小米正式公佈了價格,紅米 5 比版主收到的風更便宜,只售 $1099)

點解版主原本會估計香港唔出紅米 5 呢?無辦法,因為版主眼見有不少香港網友,都只係追求高配置、低價錢,成日表現到睇唔起低階機的樣子,所以以為小米香港會只賣相對好 specs 啲嘅紅米 5 Plus。不過結果是,我猜錯了,紅米 5 除了用上 5.7 吋芒,但得 S450 U + 3GB/32GB,電池只有 3300mAh;但紅米 5 Plus 則有 S625 慳電 U + 4GB / 64GB,而且仲有 5.99 吋 FHD+ 芒,電更加有 4000mAh 之多。兩部手機同樣配備 1200 萬像素主鏡頭以及 500 萬像素前置鏡頭。價錢差果幾百,相信網友都是傾向紅米 5 Plus 多點吧?

5.99 吋大芒 + 四千大電 有高屏佔比!$1500 買到紅米 5 Plus?

紅米 5 (3GB / 32GB) 在文章發表時,將於 25/1 正式開賣,建議零售價為 $1099,按這裡有詳細規格及最新賣價
紅米 5 Plus (4GB / 64GB) 在文章發表時,將於 25/1 正式開賣,建議零售價為 $1499,按這裡有詳細規格及最新賣價
您可能也喜歡▼