百元手機紅米 6 抵港!S845 旗艦小米 8 同步現身,賣價搶先睇!

2018-06-26 11:24
記得早兩個星期,小米喺中國大陸發表咗紅米 6 以及紅米 6A,當時就話知道好多用戶都不太希望有瀏海屏,所以紅米 6 無令大家失望,係「不帶瀏海」。然而其實果陣聽佢講呢句嘅時候,版主真係 R 哂頭,諗諗下乜你對上出果部小米 8,唔係都係一樣有 M 字額,而且仲似 iPhone X 似得咁足咩?算喇,佢鍾意「今天的我打倒昨天的我」,其實網友都唔 care,反正夠平,性價比夠高,網友一樣會敗。小米 8、紅米 6 兩部手機,今日正式喺香港發表,賣價會係幾多?喺發佈會之前,搶先話你知!

百元手機紅米 6 抵港!S845 旗艦小米 8 同步現身,賣價搶先睇!

根據版主收到的消息,
小米 8 有兩個版本,分別為 6GB + 64GB 以及 6GB + 128GB,香港建議零售價分別為 $3399 以及 $3699,顏色有金、藍、黑三種選擇 (白色香港唔出),在 7 月 6 日正式開賣。至於紅米 6,香港會賣 3GB + 32GB 以及 4GB + 64GB 版本,顏色有粉、金、灰、藍,同樣將於 7 月 6 日正式開賣,建議零售價分別為 $999 以及 $1299,最平千元有找,名列百元手機之內。

呢個價,應該都幾合理吧?

百元手機紅米 6 抵港!S845 旗艦小米 8 同步現身,賣價搶先睇!
▲ 紅米 6 有兩個版本,3GB + 32GB 版本賣價為 $999,而 4GB + 64GB 版本賣價為 $1299。

百元手機紅米 6 抵港!S845 旗艦小米 8 同步現身,賣價搶先睇!
▲ 紅米6 將於 7 月 6 日 12 點正式開賣。

百元手機紅米 6 抵港!S845 旗艦小米 8 同步現身,賣價搶先睇!
▲ 小米 8。

無 M 字額,有雙鏡頭!$1000 唔使起跳,紅米 6 / 6A 超平價?
▲ 紅米 6。

老實講,紅米 6 版主未玩過,唔評論住,但小米 8 我玩過,除咗 M 字額之外,其他地方我覺得又唔算係差嘅。6.2 吋大芒配合 19:9 比例,令到機身更加拉長,對於手細嘅我來說,手感特別佳。再加上 S845 處理器,性能雖然未必話去到官方講嘅 30 萬跑分,不過打起機上嚟點都唔會太差就是了。至於紅米 6,平機本來應該係無乜要求,不過有一點網友未必會鍾意,就係居然唔用 Qualcomm U,轉用 MTK Helio P22,是為咗 cut cost,抑或呢粒 U 真係好過上代嘅 Qualcomm S450?等版主有機上手再試下。

小米 8 在文章發表時,建議零售價為 $3699,按這裡有詳細規格及最新賣價
紅米 6 在文章發表時,建議零售價為 $999,按這裡有詳細規格及最新賣價
 
您可能也喜歡▼