釋放 S845 力量!小米 Pocophone F1 開箱 +效能即睇

2018-08-27 19:01
一如版主之前咁講,小米 Pocophone F1 賣得好平,但主要賣點就係 S845。乜叫 S845?就係 Qualcomm Snapdragon 手機 SoC (或叫處理器)中,最強嘅型號 845 作為呢部機嘅主打。當然,用 S845 作 CPU 手機一街都係,但賣價唔平,貴到接近萬元有 Samsung Galaxy Note9,比較平嘅小米 8 都三千三起跳,而呢部 Pocophone F1 只賣 $2799,賣到咁平,有無偷工減料?即睇!

釋放 S845 力量!小米 Pocophone F1 開箱 +效能即睇

開箱
你問我 Pocophone F1 有無偷工減料?我答你「或者有」,睇下你對偷工減料係乜定義,我跟其他手機記者討論過,多數都話「呢個價,你想點?」所以,你一開機,Pocophone F1 包左一支 SIM 針,一個 QC3.0 充電器,一條 USB Type C 線,一軟透明保護套。耳機?無。

再睇睇用料,我真心覺得 OnePlus 系列好好多,因為 Pocophone F1 真係將價就貨,真係二千蚊嘅貨色用料,例如膠機蓋,例如都幾大條嘅屏幕邊框。另外,抽起 SIM 卡槽,那種手工差劣的感覺就更加嚴重。不過,Cheap 有 Cheap 好,因為加陣加艦都好易花,好易爆芒,我用了一小時就跌過 F1 落地,都由成一米高跌落去,都無花時爛,算係咁啦。

釋放 S845 力量!小米 Pocophone F1 開箱 +效能即睇
▲ 小米 Pocophone F1 用上 6.12 吋 18:9 屏幕,係今時今日,唔算係好大芒嘅手機啦。

釋放 S845 力量!小米 Pocophone F1 開箱 +效能即睇
▲ F1 令人有跑車嘅味道,但小米說,F1 沒有特別意思。我話,其實係等人聯想呢部手機,運行速度有跑車咁快,就係咁多。

釋放 S845 力量!小米 Pocophone F1 開箱 +效能即睇
▲ 香港版只賣 6GB RAM + 128GB ROM。

釋放 S845 力量!小米 Pocophone F1 開箱 +效能即睇
▲​ 開箱就係咁,配件好簡單。

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇
▲ 跟機有 QC 3.0 充電器。

釋放 S845 力量!小米 Pocophone F1 開箱 +效能即睇
▲​ 今次版主借到紅色版本,都幾型,但只要摩一摩佢,就知質地好膠,好膠,好膠。

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇
▲​ 雙鏡頭設滸,下面有機背指紋認証。留意佢嘅副鏡頭,作用只係用來測照深。

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇
▲ 採用 M 字額設計,仲要好闊好大。你可以選擇把兩側屏幕關閉,收埋個大 M 字額。

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇
▲ 採用 Type C USB 位,保留 3,5mm 耳機插位可以說是賣點。
 

效能速睇

釋放 S845 力量!小米 Pocophone F1 開箱 +效能即睇釋放 S845 力量!小米 Pocophone F1 開箱 +效能即睇釋放 S845 力量!小米 Pocophone F1 開箱 +效能即睇

▲ 首先,我哋會用大家習慣採用嘅 AnTuTu Benchmark!版本係由 Google Play Store 下載,用清水機 (只 Login Google 戶口,無安裝其他 App) 去跑。總分大約 26 萬 5 千分左右。雖然小米講過 Pocophone F1 可以跑到 29 萬分,但暫時來講,係無可能,因為要 MIUI 升級到 10,但出機個陣,F1 跟機嘅  MIUI 都 9!呢張期票,要等遲下對現了。咁 26 萬分又係乜概念?我哋找回近期同樣用 S845 CPU 嘅手機作比較,同系小米 8 我哋之前跑分得分 269751 分,跟 Pocophone F1 相約 (不過,當時小米話之後升級至  MIUI 10,小米 8 會有三十萬得分架);再跟香港版三星 Note 9 比較,Pocophone F1 得分都比較低 (Note9 為 28 萬分),可見 F1 效能,唔係云云 S845 最 Top 的型號,跟小米系列相約。

值得一提,今之小米係 Pocophone F1 加了水冷系統,用於在 CPU 高速運行時,減低高温,令手機保持高效能。我哋將 AnTuTu 連續運行三次,模擬手機不停運作,發覺三次 AnTuTu 得分相約,沒有大變動,可見呢個水冷系統,有其作用嘅。

釋放 S845 力量!小米 Pocophone F1 開箱 +效能即睇
▲ 另外一個,我哋會用嘅係 AndroBench!AndrodBench 用來測試 ROM 嘅讀寫速度,讀寫速度快,代表你用手機時,會有更順嘅體驗。係 AndroBench 跑分部份,我哋睇睇連續讀寫 Sequential Read / Write,這部份分數越高,代表你係手機抄寫大型檔案,如 AV 片或高清長片時的速度。呢兩部份分數,都合乎小米稱用上 UFS 2.1 嘅標準!抄寫大型檔案唔會慢。

我哋再睇睇Random Read / Write,分數越高,代表零碎檔案讀取寫入的速度越快,現實裡,如開啟相簿、睇 Facebook 或 IG load 相片,會更加爽快。而 Pocophone F1 得分都跟大部份旗艦手機無大分別。

由呢兩個簡單嘅 Benchmark 測試,可見賣得咁平嘅 Pocophone  F1 係效能上,只較跟過接近過萬嘅手機有少少差距,但都是 S845 手機應有嘅效能,小米係呢個部份,無騙你嘅。

最後相機拍攝效果又點?好簡單,我哋簡單放出比拼相片,就係跟以還完實景出色嘅 HTC U12+ 比一比,大家就知,Pocophone F1 嘅水準,去到邊個邊。

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇
釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇

釋放 S845 力量!小米 Pocophone F1 開箱 +效能即睇 釋放 S845 力量!小米 Pocophone F1 開箱 +效能即睇

釋放 S845 力量!小米 Pocophone F1 開箱 +效能即睇  釋放 S845 力量!小米 Pocophone F1 開箱 +效能即睇
▲ 左/上是由 F1 拍攝,右/下是由 U12+ 拍攝,放大見效果,大家點評價?
 

小結:強效能是賣點

小米 Pocophone F1 大平賣,但事實上係手機材質上 Cut Cost,手機用料及手感就係一部中價二千多元手機,呢部機嘅性價比,在於佢嘅實際效能,係好嘅,合乎 S845 水準。提一提,Pocophone F1 無配備 NFC,大家要留意。

小米 Pocophone F1 係文章刊登時,賣價為 $2799,按這由有更詳細規格及朂抵賣價
多謝支持 ePrice.HK
您可能也喜歡▼