電競手機大舖減 $1800,最平三千蚊唔使有交易

2019-02-27 17:16
所謂電競手機,其實都係得個名,咪又係普通一部手機~只係因為佢有一些專用打機用嘅配件,外觀上又好似幾型有電競 feel,咪叫自己做電競手機囉。所以到最後,電競手機值唔值得買?我覺得都係睇你自己鍾唔鍾意部手機,而唔係為咗「電競」兩隻字而去入手。最近發現,而家買所謂電競手機,$3000 唔使已經可以買到,網友又會唔會入返部呢?

電競手機大舖減 $1800,最平三千蚊唔使有交易

豐澤網店有兩部電競手機做緊優惠,分別有黑鯊手機以及 RAZER PHONE 2,當中的黑鯊手機要注意喎,佢唔係我哋之前一直講的 8GB / 128GB 版本,原來豐澤網店仲有更低階的配置版本,有 6GB / 64GB,建議零售價為 $3299,而家網店價則減多 $300 賣 $2999,變相三千蚊唔使就買得到黑鯊手機,買來當遊戲機打下,個樣又唔算好差,又未必考慮唔過嘅。

電競手機大舖減 $1800,最平三千蚊唔使有交易

至於另一部的 RAZER PHONE 2,外觀上就沒有黑鯊那麼討好,雖然硬件配置相若,都係用 S845 處理器,而且有 8GB / 64GB,同埋玻璃機背支持無線充電,不過佢同黑鯊手機一樣,支持的配件都係唔多,但價錢卻貴一大截,未減價前建議零售價為 $6799,而家減咗 $1800,落到 $4999,但都係比黑鯊相差一段距離。雷蛇呢個名,又可唔可以說服到你用呢個價錢入手呢?

電競手機大舖減 $1800,最平三千蚊唔使有交易

小米黑鯊遊戲手機 (6GB/64GB) 在文章發表時,豐澤網店賣價為 $2999,按這裡有詳細規格及最新賣價
Razer Phone 2 在文章發表時,豐澤網店賣價為 $4999,按這裡有詳細規格及最新賣價