牌照都未有!香港版小米手機突然爆出 Mi Pay 程式,無得刪!

2019-03-16 20:06
之前我哋講過,財經界傳得好厲害,小米金融會係其中一個獲得香港虛擬銀行牌照,以後除了賣手機、水煲、電飯煲,小米更可能香港發信用卡、放債、甚至連類似八達通嘅電子錢包都撈埋?你好想用,定好驚呀?傳聞歸傳聞,牌照都未有,小米強行把 Mi Pay 小米支付安裝係小米嘅香港版手機,無得刪!大家點睇?

牌照都未有!香港版小米手機突然爆出 Mi Pay 程式,無得刪!
 

自動更新 Google Play 爆出來

若果你手中有一部小米手機香港版,又係 Google Play 更新手機嘅 App,你會發現,突然多咗一個 App 叫「Mi Pay 小米支付」。中國大陸不同手機廠都有自己嘅支付工具,不過,香港要攪呢 D 服務,一定要申請相關牌照,小米,係呢篇文章發佈時呢一刻,先唔好講根本傳聞嘅虛擬銀行牌照名單仲未出,連儲值支付工具牌照都無申請,無啦啦係全港小米手機爆呢個 App 出來,攪乜呀!

最重要係,Mi Pay 其實原來一直存在於小米手機嘅 ROM 裡入面,不過沒有顯示出來。因為他們把 M iPay 放上 Google Play Store,又推出新版本,呢個 Mi Pay 自動爆出來!喂喂喂,到底小米手機香港版裡面,仲有幾多收埋咗,唔話畀用家知嘅 Apps,呢 D Apps 有無係背後做緊乜??

牌照都未有!香港版小米手機突然爆出 Mi Pay 程式,無得刪!
▲ 係香港版嘅小米手機,更新手機 App,就會爆出 Mi Pay,而呢個  App 係無得刪除。

牌照都未有!香港版小米手機突然爆出 Mi Pay 程式,無得刪!
▲ 傳聞小米都申請香港虛擬銀行牌照,但相關嘅 App 做到是是但但,電郵聯絡只係一個 Gmail,咁大間公司,攪乜呀!

牌照都未有!香港版小米手機突然爆出 Mi Pay 程式,無得刪!
▲  Mi Pay 要用手機號碼登記,但未見有實名頁面。


牌照都未有!香港版小米手機突然爆出 Mi Pay 程式,無得刪!
▲  Mi Pay 可以做 Bill Payment

牌照都未有!香港版小米手機突然爆出 Mi Pay 程式,無得刪!
▲  Mi Pay 會存取你嘅聯絡人,仲會可以控制撥打電話。

小米回應:
「Mi Pay (小米支付)是小米的流動支付應用程式,屬預載於MIUI的系統應用。由於Mi Pay尚未於大部分國際市場推出,所以在國際版MIUI中該程式已被隱藏,亦因為小米即將在印度推出Mi Pay服務,故此導致Mi Pay程式錯誤地出現在部分其他地區用戶的小米手機中。我們的技術團隊在加緊更新恢復,並會在第一時間通知用戶。在此,為我們的失誤及給用戶帶來的困擾真誠致歉。」
多謝支持 ePrice.HK