偷食男專用?小米知衰刪騎呢廣告

2019-04-29 10:13
很多時手機品牌都會為手機產品定位,通常都是主打日理萬機的商務客、愛自拍的女生、喜歡打機的遊戲發燒友等。不過最近小米在馬來西亞官方 Twitter 帳號,就嘗試將小米 9 SE 定位為偷食男專屬手機,究竟係咪成功?網友跳轉睇睇再自行判斷吧!

偷食男專用?小米知衰刪騎呢廣告

影片雖然透過小米馬來西亞官方 Twitter 上載,但從影片內的畫面可見,相信是在北京拍攝,是大陸方面準備的宣傳短片。短片中一名外籍男子一手擁著睡著的女友,另一隻手就在玩手機,原來是跟另一女子以 Facebook Mesenger 調情。對方問男生是否有空,男生發現無法單手回覆,於是就放開女友,用雙手打字回覆說「是你的話,任何時候都得閒」。



短片以女友突然醒來發現男友出軌,偷食男收起手機勁尷尬作結。小米在 Twitter 還寫著「Naughty Boy! He should’ve tried using #MI9SE」(曳仔!佢應該試用小米 9 SE)。唔知係因為短片上載後被鬧爆,還是發覺將偷食男同小米 9 SE 拉上關係有問題,小米最後決定刪 Po,不過騎呢短片同 Cap 圖當然被瘋傳。

偷食男專用?小米知衰刪騎呢廣告

資料來源:androidpolice