有 Design 皮背型格千元手機!小米 POCO M3 開箱評測:外觀 + 相機

2020-11-24 20:37
小米 POCO M3 正式發表,不過版主已經 Skip 咗發佈會,因為喺發佈會之前,我哋已經簡單上手咗呢部手機。對於呢部 POCO M3,版主會有以下評價:「設計用心,三鏡頭稍嫌嘥咗,少窒,沒甚麼出眾功能,但以一部 $1000 左右嘅平價手機嚟講,又相當合格。」而到底點解我會話佢設計用心,內文就同大家做個簡單嘅 Hands on 評測啦!Let's Go!

有 Design 皮背型格千元手機!小米 POCO M3 開箱評測:外觀 + 相機
 

小米 POCO M3 開箱:皮革機背,設計有心


呢篇開箱文章,只會針對外觀同相機,跟大家分享,至於跑分方面,會喺稍後再補充。首先講下外觀,小米 POCO M3 採用咗 6.53 吋 FHD+ 芒,正面就好難有突破,都係水滴設計囉,不過背面版主個人幾 Like,本身部機畀我第一印象,會諗起當日魅族 Pro 7 系列,因為佢個 POCO Logo 都係好似 MEIZU 一樣咁打直排列,但睇耐咗又令我聯想到 ASUS 2017 年推出嘅 ZenFone AR,都係用上相似嘅皮革材質,而呢種材質畀我感覺係相當耐撞,同埋唔會咁易痴手指紋。整體設計係幾有心,幾有睇頭。顏色方面會有黑、黃、藍三種顏色。
   

小米 POCO M3 相機拍出乜質素嘅相?

相機方面,點解我 intro 會講到「三鏡頭稍嫌嘥咗」?原因係,雖然佢係有三鏡頭,但佢個三鏡頭係 48MP 標準 + 2MP 微距 + 2MP 景深嘅組合,但就無一部手機應有嘅超廣角鏡頭。同埋玩過呢部 POCO M3,相機功能真係無乜,之前 POCO X3 啲玩味功能,好似魔法換天、長曝光等等,呢部手機通通都無。當然,呢部手機比起 POCO X3 更加平價,無咗呢啲功能,又唔知大家接唔接受到。補充一點,唔知係咪 S662 處理器嘅問題,版主用相機拍攝嘅時候,會 feel 到有啲窒,而 Night Mode 亦要 Load 一啲時間,呢個係我試玩完嘅小感受。

講完我嘅上手感覺,以下版主就畀大家睇下呢部手機拍出嚟嘅夜拍成像,雖然部機咁平大家唔應該有期望,但都可以畀大家睇下係咪夠用。

標準拍攝 (左) VS 夜景拍攝 (右)

有 Design 皮背型格千元手機!小米 POCO M3 開箱評測:外觀 + 相機
有 Design 皮背型格千元手機!小米 POCO M3 開箱評測:外觀 + 相機
 

有 Design 皮背型格千元手機!小米 POCO M3 開箱評測:外觀 + 相機

有 Design 皮背型格千元手機!小米 POCO M3 開箱評測:外觀 + 相機
▲ 睇完以上兩組相片,唔知大家覺得開咗 Night Mode 同無開 Night Mode,有無大分別呢?

48MP 高像素拍攝

有 Design 皮背型格千元手機!小米 POCO M3 開箱評測:外觀 + 相機
▲ 高像素代表可以保留到更多細節,而我哋將張相放大嚟睇 (如下圖),可以見到船上面嘅字都仲可以睇到清楚,線條都算係實淨,算係咁啦。

有 Design 皮背型格千元手機!小米 POCO M3 開箱評測:外觀 + 相機
 

小結

老實,版主唔係玩咗部機好耐,都係啱啱 6 點幾先開始掂部機,用咗唔夠一個鐘,所以只能分享下我個感覺,就係佢係一部有心設計嘅手機,而且個 specs 望落都唔差,有真三卡,有 6000mAh 大電,有 18W 快充等等,但無 NFC,同埋可能粒 S662 處理器真係唔多夠快,我用完第一印象係有點窒,尤其是係用相機嘅時候。不過,相機質素以一部千元手機嚟講,我又覺得收貨。

最後,呢部手機賣幾錢?發佈會就講,有 64GB 以及 128GB 兩個版本,分別為 149 美金 (約港幣 $1155) 以及 169 美金 ($1310),而版主收到風,香港賣嘅價錢會同美金價相當接近,大約 $10XX 以及 $12XX 左右,呢個價錢網友又點睇呢?
 
您可能也喜歡▼