紅米 Note10、Note 10 Pro 香港賣價公佈!二千頭入手 108MP 相機

2021-03-24 12:31
呢期小米真係多新機出,上星期就推出咗紅米 9T,下星期又話有呢個小米 11 Lite 以及小米 11 Ultra,而今個星期就無啦啦又收到新聞稿,話推出紅米 Note 10 以及 Note 10 Pro,大玩機海戰術,而今次呢部紅米 Note 10 以及 Note 10 Pro,又有乜特別呢?睇下文啦!

紅米 Note10、Note 10 Pro 香港賣價公佈!二千頭入手 108MP 相機-0
 

紅米 Note 10 / Note 10 Pro 香港賣價及上市資訊

首先講咗價錢部分,紅米 Note 10 備有 4GB RAM + 128GB ROM 版本,有瑪瑙灰、卵石白及湖水綠三款顏色選擇,建議零售價為 $1499,於 4 月 6 日起於 mi.com、小米之家、各大零售商及電訊商發售。至於紅米 Note 10 Pro 則備有 6GB RAM + 128GB ROM 版本,有瑪瑙灰、冰川藍及漸變銅三款顏色選擇,建議零售價為 $2299,於 4 月 6 日至 14 日接受預訂,4 月 15 日正式發售。預訂及發售渠道同樣包括 mi.com、小米之家、各大零售商及電訊商。
 

紅米 Note 10 / Note 10 Pro 規格介紹

紅米 Note 10 採用了 6.43 吋 AMOLED 屏幕,具有側面指紋辨識鍵,配備 Qualcomm Snapdragon 678 處理器,電池容量為 5000mAh,支持 33W 有線充電。相機部分具有四鏡頭設計,分別為 48MP 廣角鏡頭、8MP 超廣角鏡頭、2MP 微距鏡頭以及 2MP 景深鏡頭,而前置鏡頭則為 13MP。要注意的是,紅米 Note 10 支持雙卡雙待及有紅外線功能,但沒有支持 NFC。

紅米 Note10、Note 10 Pro 香港賣價公佈!二千頭入手 108MP 相機-1

至於紅米 Note 10 Pro,手機採用了 6.67 吋 AMOLED 屏幕,支持 120Hz 屏幕刷新率,具有側面指紋辨識鍵,配備 Qualcomm Snapdragon 732G 處理器,電池容量為 5020mAH,支持 33W 有線充電。相機部分同樣具有四鏡頭設計,不過就支持 108MP 廣角鏡頭、8MP 超廣角鏡頭、5MP 長焦微距鏡頭以及 2MP 景深鏡頭,而前置鏡頭則為 16MP。另外,紅米 Note 10 Pro 具有 NFC、雙卡雙待以及紅外線等功能。

紅米 Note10、Note 10 Pro 香港賣價公佈!二千頭入手 108MP 相機-2
 
您可能也喜歡▼