平過三星、華為!小米 S888 摺芒機 唔使 $10000 人仔 抵?

2021-03-30 21:14
尋日小米開完勁長嘅發佈會,都不過係上半場,今晚就繼續嚟下半場,發佈會未完唔知今晚又講幾多個鐘,不過啱啱就發表咗傳聞嘅摺疊屏幕手機 MIX FOLD,個設計有少少「參考」三星 Galaxy Z Fold2,但賣價就一萬蚊人仔都唔使。到底部手機又有乜特別呢?睇下文啦!

平過三星、華為!小米 S888 摺芒機 唔使 $10000 人仔 抵?

小米 MIX FOLD 整體設計同三星 Galaxy Z Fold2 以及華為 Mate X2 差唔多,既然差唔多意味即係有兩個芒,打開咗嘅大芒就有 8.01 吋,用上 AMOLED 材質,解像度為 2K+,而當摺埋後,個細芒就有 6.52 吋,支持 90Hz 屏幕刷新率。

其他規格部分,小米 MIX FOLD 配備咗 Qualcomm S888 處理器,有 12GB LPDDR5 RAM 以及 256GB / 512GB UFS 3.1 ROM 版本,電池容量為 5020mAh,並支持 67W 快速充電。相機部分,小米 MIX FOLD 用上 108MP 主鏡頭 + 液態鏡頭 + 超廣角鏡頭嘅三鏡頭組合,而當中嘅液態鏡頭係乜嚟?小米就話係一個鏡頭做到長焦同微距兩個功能喎。即係其實雖然佢係三鏡頭,但可以同時滿足到標準拍攝、遠攝、微距拍攝以及超廣角拍攝四大功能。

平過三星、華為!小米 S888 摺芒機 唔使 $10000 人仔 抵?

平過三星、華為!小米 S888 摺芒機 唔使 $10000 人仔 抵?

價錢方面,小米 MIX FOLD 有 256GB 以及 512GB 兩個容量版本,中國賣價分別為 9999 人民幣以及 10999 人民幣,折合港幣約 $11821.8 以及 $13004.1。另外,小米 MIX FOLD 另外有部陶瓷特別版,有 16GB RAM + 512GB ROM,賣價為 12999 人民幣,折合港幣約 $15368.7。小米表示呢個價錢對比起三星 Galaxy Z Fold2 以及華為 Mate X2 還要便宜,唔知網友又點睇呢?

平過三星、華為!小米 S888 摺芒機 唔使 $10000 人仔 抵?

平過三星、華為!小米 S888 摺芒機 唔使 $10000 人仔 抵?
 
您可能也喜歡▼