忠實米粉一定要買?小米香港推出小米 11 雷軍簽名特別版 賣呢個價

2021-04-01 19:32
小米香港近期玩機海戰術,頻頻出機又旗艦小米 11 Ultra,又中階小米 11 Lite,又有紅米 Note 10 / Note 10 Pro,幾乎個個星期都話有新機推出。而今日小米發出新聞稿,推出呢部雷軍簽名特別版手機,估唔到小米香港連特別版手機都唔放過,會推出小米 11 雷軍簽名特別版喎。到底呢部手機會賣幾錢,睇下文啦!

忠實米粉一定要買?小米香港推出小米 11 雷軍簽名特別版 賣呢個價-0

真係估唔到,小米居然會喺香港推小米 11 雷軍簽名特別版,呢部手機會喺 2021 年 4 月 15 日正式喺香港開賣,建議零售價為 $5699。而版主聽聞,呢部小米 11 特別版,貨量並唔會好多,就以某間大舖為例,全港大約都係得 30 部左右。呢個時候,就係考驗香港米粉嘅「忠實度」了!有雷軍簽名加持,米粉係咪要必搶呢?

小米 11 雷軍簽名特別版,採用以波浪為靈感的 3D 紋理玻璃設計,在手機背面印有雷軍簽名,搭配時尚外盒包裝作為限量款式,並且採用 12GB 記憶體 + 256GB 儲存容量配置組合。而同普通小米 11 旗艦一樣,同樣係配備 Qualcomm Snapdragon 888 處理器,電池容量有 4600mAh。

忠實米粉一定要買?小米香港推出小米 11 雷軍簽名特別版 賣呢個價-1
 
您可能也喜歡▼