挑機三星!S888 摺芒旗艦 OPPO Find N 提前抵港 賣呢個價

2021-12-17 18:06
OPPO 日前舉行發佈會,推出咗佢哋品牌嘅摺芒手機,Find N,而 OPPO 標榜佢其中一個賣點,就係個摺芒幾乎無痕嘅,無咁影響視覺體驗。而呢部 Find N 本身就話 23 號先正式喺中國大陸開賣,但估唔到水貨已經提前抵港,到底賣乜嘢價錢,而呢部摺芒機又可唔可以挑機三星?

OPPO Find N 官方宣佈會喺 12 月 23 日中國開賣,不過有部份「優先客戶」嘅水貨,會喺明日 (即 12 月 18 日) 提前抵達深水埗細舖,暫時只係 512GB 版本,第一水賣價為 $16880,比起中國建議零售價 8999 人民幣高出唔少,但無計,因為優先貨好少,全中國得 20 部,嚟到香港都係各色得 1 部,賣得高價啲,有炒價,都係可以理解嘅。

不過,如果你心目中諗法係,唔一定要最優先果批玩到新機,其實可以等到預計平安夜 24 號,因為到時正式貨會到旺角先達,有 256GB 同埋 512GB 版本,到時個水貨賣價將會係 $10800 同埋 $12000,呢個價錢相對地親民少少,你又會考慮嘗鮮嗎?

規格部分,OPPO Find N 副屏幕為 5.49 吋,而打開咗之後會係 7.1 吋,解像度為 1920 x 1792,支持 120Hz 芒,OPPO 表示透過一啲技術可以令摺痕降低,配備 Qualcomm Snapdragon 888 處理器,電池容量有 4500mAh,並支持 33W 快充。相機部分用上 50MP 標準 + 16MP 超廣角 + 13MP 遠攝鏡頭,前置鏡頭則為 32MP。
   
報價查詢:樺峯數碼 | 三禾電氣