「水滴額」S660 手機抵港!Vivo V11、Y81 香港賣價搶先爆!

2018-09-27 19:45
好多人都唔鍾意 M 字額,但因為 iPhone X,令到 M 字額在手機界變得普及化,好多廠商都爭住跟風,推出瀏海屏手機。iPhone X 推 M 字額,就係為咗要在全面屏之中,預留位置放前置相機、Sensors 等,但 Vivo 早前的 NEX,就利用伸縮鏡頭,解決了這個問題,以外觀設計來說,算是相當完美。今個星期,Vivo 會再有兩部新機推出,分別為中階系列 V11,以及入門系列 Y81,又會唔會用上如 NEX 般的設計呢?而最令人關注的是,呢兩部手機到底賣幾錢?版主已掌握關於賣價的資訊,就等我立即話你知。

「水滴額」S660 手機抵港!Vivo V11、Y81 香港賣價搶先爆!

Vivo V11 以及 Y81 將於後日正式抵港,而根據版主收到的消息,V11 的香港建議零售價為 $3498,而 Y81 的建議零售價則為 $1498,呢個價聽落唔貴,但規格方面又如何呢?

Vivo V11 的規格配置屬中階,採用了 6.41 吋 19.5:9 Super AMOLED 屏幕,配備了 Qualcomm S660 AIE 處理器,內置 6GB RAM 以及 128GB ROM,而電量方面則有 3400mAh。另外,V11 亦支援 X21、NEX 上的屏下指紋辨識,科技感係有的,但可能在解鎖速度方面會有少少犠牲。至於相機部份,V11 配備了 12MP + 5MP 雙主鏡頭,光圈值為 F1.8,而前置相機則有 25MP。值得一提的是,V11 是用上「水滴額」設計,是香港首部推出、採用這種設計的手機。

「水滴額」S660 手機抵港!Vivo V11、Y81 香港賣價搶先爆!

至於入門系列的 Y81,則採用了 6.22 吋 19:9 屏幕,屏幕解像度為 1520 x 720,配備 MTK Helio P22 處理器,內置 3GB RAM 以及 32GB ROM,電量有 3260mAh。只有單鏡頭設計,主鏡頭有 13MP,光圈值為 F2.2,而前置鏡頭則為 5MP。設計部份,Y81 用上 M 字額設計,這點未必容易讓人接受,但整體來說以 $1498 呢個價位,性價比算是不錯。你又有無興趣呢?

「水滴額」S660 手機抵港!Vivo V11、Y81 香港賣價搶先爆!