大陸手機廠搶 5G 市場!vivo 三大技術搶眼球

2019-06-27 14:30
文章分享
以「智聯萬物」為主題的 MWC2019 上海,吸引咗唔少中國大陸廠商展示佢哋嘅電訊技術,當中的焦點肯定是 5G。而喺東南亞搶到唔少市場份額嘅 vivo,亦都喺呢個大展上「show quali」,展示 5G、物聯網 (IoT)、人工智能(AI)、大數據等下一代創新科技,並且以呢三大技術,搶眾人目光!即睇下文啦!

大陸手機廠搶 5G 市場!vivo 三大技術搶眼球
 


vivo 發佈 5G 手機,展示 5G 應用

繼 vivo NEX 5G 版之後,vivo 推出首款商用 5G 手機:iQOO 5G 版,呢部手機預計會在今年第三季推出中國市場,而香港方面則暫時未有上市計劃。不過,vivo 亦計劃今年將發表更多新款 5G 手機,並開發更多 5G 場景應用,例如 5G 雲端遊戲、5G 無線投屏、5G 互傳等。

而以上講果幾個應用,到底係乜東東?

5G 雲端遊戲:遊戲並不是儲存在 5G 手機上,而係基於 5G 網絡的雲端處理能力,直撞在雲端伺服器運行,並通過雲端伺服器將遊戲場景渲染為視頻音訊流,再通過 5G 網路傳輸到 5G 手機上,達至高清畫面 + 低延遲的遊戲體驗。

5G 無線投屏:好簡單,即係將手機畫面投射到大屏幕上,只不過係個 Latancy 會比之前更低。

5G 互傳:毋需用數據線連接,透過 5G Wi-Fi 傳輸技術, 可以實現手機跟 PC 數據互傳,在 5GHz 頻段及 802.11ac 協議加持下,傳輸速率可達至約 20MB/s。

大陸手機廠搶 5G 市場!vivo 三大技術搶眼球

大陸手機廠搶 5G 市場!vivo 三大技術搶眼球

vivo AR 眼鏡首次亮相
除咗發表 vivo 首款商用手機,同時 vivo 亦都展示了 AR 眼鏡,呢款 AR 眼鏡係包含咗增強現實 (AR) 以及虛擬實境 (VR) 技術,能夠支援雙屏顯示以及 6DOF 技術,連接手機後,可以做到移動辦公 (即係戴咗個 AR 眼鏡,可以睇到你正在檢視 / 編輯嘅文件,然後手機可以作為滑鼠使用)、AR 遊戲、3D 高清視頻、人物識別 (即係戴住 AR 眼鏡望向某某人,眼鏡畫面就會顯示佢係邊個、乜身份,不過相信係需要預先輸入咗對方嘅資料,先至可以做到)、物件識別等諸多功能。

大陸手機廠搶 5G 市場!vivo 三大技術搶眼球

大陸手機廠搶 5G 市場!vivo 三大技術搶眼球

大陸手機廠搶 5G 市場!vivo 三大技術搶眼球
 


vivo 120W 超快閃充

另外,呢個真係好嚇人,vivo 展示咗最新推出的 Super Flash Charge,可以支持 120W 的充電輸出,採用全新電荷泵技術,搭配深度定制的 Type-C 資料線以及充電器,可以將 4000mAh 大容量電池嘅手機,5 分鐘由 0% 充至 50%,13 分鐘就可以充滿。而呢個充電技術,會唔會令到電池損耗得更快,還是 vivo 會有特別措施,降低電池的損耗速度呢?你又點睇呢個技術,實唔實用?留言講下啦!

大陸手機廠搶 5G 市場!vivo 三大技術搶眼球
文章分享
您可能也喜歡▼