首部 5G 行貨手機抵港!vivo NEX 3、V17 Pro、Y12 香港賣價曝光

2019-10-17 10:31
文章分享
自 vivo 在香港推出手機以來,版主一直都覺得佢係少有願意創新的品牌,特別係佢嘅 NEX 系列,唔學人玩 M 字額乜乜額,而係會諗辦法令到連額頭都消失,可能整個雙屏手機出嚟,可能改玩彈出鏡頭,每次都帶畀我不少新鮮感。不過來到第三代的 NEX 3,仲有無令人「嘩」一聲的感覺呢?今日,NEX 3 同中階系列 V17 Pro 以及入門系列 Y12 同步在香港推出,建議零售價又會係幾多?呢個價網友又會唔會考慮?睇下文啦!

首部 5G 行貨手機抵港!vivo NEX 3、V17 Pro、Y12 香港賣價曝光

vivo NEX 3、V17 Pro 今日正式在香港發表,同時亦公佈了香港的建議零售價及上市資訊。先由旗艦的 NEX 3 說起,香港會推出 8GB + 256GB 的 5G 版本,建議零售價為 $6698,即日起至 10 月 24 日接受預訂,將於 10 月 25 日開賣,而在推廣期內 (11 月 30 日前) 購買 NEX 3,成功登記並經過確認後,在購買日期起一年內可享有「碎屏保」服務乙次,可免費獲得維修或更換全新屏幕服務;

而中階的 V17 Pro,建議零售價則為 $3498,於 11 月 1 日開賣;至於入門的 Y12,建議零售價則為 $1398,於 11 月 1 日正式有售。


NEX 3 係 vivo 首部用上瀑布屏嘅手機,屏幕尺寸為 6.89 吋,材質係 AMOLED,解像度則有 2256 x 1080,但屏幕更新率部份只有 60Hz,支持 800 nits 亮度和 100% 覆蓋 P3、sRGB 色域以及 HDR10。另外,NEX 3 配備了 Qualcomm S855 Plus 處理器,電池容量 4500mAh,支援 44W 快速充電,但沒有無線充電功能。相機是 64MP 標準 + 13MP 120 度超廣角 + 13MP 兩倍光學變焦三鏡頭,而前置鏡頭則維持 16MP 的彈出式鏡頭。NEX 3 會預載基於 Android 9 Pie 的 Funtouch OS 9.1,並支持 NFC 功能。

首部 5G 行貨手機抵港!vivo NEX 3、V17 Pro、Y12 香港賣價曝光

至於 V17 Pro,則採用了 6.44 吋無瀏海嘅 Super AMOLED 全面屏幕,配備 Qualcomm S675 處理器,內置 8GB RAM + 128GB ROM,電池容量為 4100mAh,具有四個主鏡頭,分別為 48MP 標準 + 13MP 兩倍望遠 + 8MP 廣角 + 2MP 景深鏡頭,而前置鏡頭則是彈出式設計,有雙前置鏡頭,分別為 32MP 標準 + 8MP 超廣角雙鏡頭。同樣預載基於 Android 9 Pie 的 Funtouch OS 9.1,內置 Muiti Turbo、Game Mode 等功能。

首部 5G 行貨手機抵港!vivo NEX 3、V17 Pro、Y12 香港賣價曝光

而入門的 Y12,配備 6.35 吋水滴屏,屏佔比 89%,配備 MTK MT6762 處理器,內置 3GB RAM 以及 64GB ROM,電池容量為 5000mAh。相機部份是 13MP 標準 + 8MP 超廣角 + 2MP 景深三主鏡頭,前置鏡頭則為 8MP。

首部 5G 行貨手機抵港!vivo NEX 3、V17 Pro、Y12 香港賣價曝光

vivo NEX 3 5G 在文章發表時,香港賣價為 $6698,按這裡有詳細規格及最新賣價
文章分享
您可能也喜歡▼