曾經有朋友問過版主,係咪 Meizu 魅族會出 Windows Phone? 係咪魅族會跟 Nokia 合作出手機?點解有人咁問,因為早前魅族抽晒 Nokia 水,發佈會嘅邀請信裡面,更加係一部 Nokia 嘅手機來 (雖然唔用得)。不過,大家唔駛想咁多,邀請信禮物個部係 Nokia 1110,即係史上最賣得嘅手機。Meizu 魅族官網指今日下午兩點半會發佈「魅藍 2 Meizu M2」似乎佢想做到全球最賣得,點先全球最賣得?睇價錢啦,相信會係全城最平嘅智能手機。
▲ Meizu 魅藍 2 嘅發佈會通知,係一部 Nokia 1110 嘅手機。其實 Meizu 今次唔係跟 Nokia 合作,只係會出一部勁平嘅 Android 手機,平到會快普及化。早前大陸 Tmall 已搶先刊了少量資料,大家期待的話,就要留意下面嘅直播發佈會。