▲ Sony Xperia Z3+ 是 2015 年上半年 Sony 的重點手機，是一部盡善盡美的升級版手機。
Sony Mobile 係六月一口氣推出數款新手機，包括性價比高嘅防水手機 Xperia M4 Aqua、有很多自拍功能嘅 Xperia C4 Dual。最重點要的，當然是旗艦作 Xperia Z3+ 與工作與娛樂並重嘅 Xperia Z4 Tablet 平板電腦。早前，Sony 總部已派幾位設計師來港大談這幾款新機個人之處。今次 ePrice.HK 籍著跟 Sony Mobile 合辦網友體驗日，請來手機達人 Qooah.com 網主 Sky Yee，與人稱「耳機狂人」嘅 Cato Mak 為大家分享 Xperia Z3+ 的升級與 Xperia Z4 Tablet 的用途。
▲ Sky Yee 是 ePrice 與 Sony 體驗日的達人常客，他很清楚 Sony 手機的強項。
Xperia Z3+ 性能強、電量足
Sky Yee 玩了 Xperia Z3+ 有一個星期，在來講解之前，用不少效能 App 去分析 Xperia Z3+ 升級係咪咁值。Sky 先用大家都習慣用來比拼手機效能嘅「安兔兔」 App 為幾款同樣採用 Qualcomm S810 處理器的旗艦手機作跑分比較，Z3+ 得分最高，表示效能係同級裡面最好一部。當然，比較上一代嘅 Z3，更有明顯進步。另外，採用 S810 處理器，電池用量亦係好大考慮之一。Sky 用了 GeekBench 3 裡面的電池效能檢測部份作測試，該測試模擬使用手機率高嘅用家，以 80% CPU 負載作電池耗電量測試，發覺 Xperia Z3+ 可以用到 5 小時 38 分，不少 S810 CPU 處理器手機，都不到 3 小時左右的成績。這個是極端的測試，可見在一般情況下，Xperia Z3+ 是具備效能與省電的。
▲ Sky Yee 表示，Z3+ 「安兔兔」的最高得分可達59340，平均也有五萬三至五萬六，好過其他同期使用 Qualcomm S810 處理器嘅手機。
▲ Z3+ 嘅電池續航力，亦比其他同級手機強。
相機部份，Xperia Z3+ 係本來 Exmor RS 二千萬像素相機上，加入了「美食模式」，Sky Yee 試過，係「美食模式」下，會令到載食物嘅白碟會更顯示到原本嘅白色，而食物本身亦會更有層次及鮮豔。而 Sky 更表示，「美食模式」都很適合用來拍攝鮮色豐富嘅物件，如小模型、小公仔。Sky 亦大讚 Xperia Z3+ 升級的五百萬像素前置相機，亦能拍攝到很清楚嘅自拍照片。
▲ 美食相機可拍出更富色彩嘅相片。
▲ Z3+ 的前置鏡頭，比起 Z3 提升至五百萬像素，並擁用 Wide Angle，令個人或一班朋友自拍亦有良好的效果。而圖中是新加風格效果 (Style Portrait)，令自拍有更多不同玩意。
▲ Sky Yee 同場亦有分享 Xperia Z4 Tablet 的用途。他大讚跟機已預載了 Microsoft Office 應用程式 。配合 Small Apps 可以模擬桌面電腦的多工作業，令工作時更加方便。Sky 更表示 Xperia Z4 Tablet 係 GeekBench 3 的電池效能檢測部份，做出比 Z3+ 更好的成績，事實上，Z4 Tablet 可造到十七小時的使用時間。
高清音效，無線耳機也支援
早於 Xperia Z2 已支援 Sony 近年力推嘅 Hi-Res Audio 高清音效。而係 Xperia Z3+ 裡面，令收聽 Hi-Res Audio 更加方面。耳機達人 Cato Mak 表示，今次 Xperia Z3+ 改用開放式嘅的防水 microUSB 埠，不但是方便了充電，而因為 Z3+ 跟 Z3 一樣，支援 USB Audio 輸出高清音效，放在機底，不用拆蓋的 USB 埠，使 Z3+ 比起前作在接駁音樂器材時，更加就手，是值得一讚嘅改良設計。另外，Cato Mak 亦分享了 Xperia Z3+ 今次支援 LDAC 無線輸出高清音效制式的使用 Tips。Cato Mak 表示要真正享受到 LDAC 無線輸出嘅音質，除了要配合 Sony LDAC 支援嘅耳機，去一個無咁多 WiFi 與藍牙干擾嘅地方，再係 LDAC 選項揀上「首選音質」就可以了。
▲ Cato Mak 最近都試了不少 LDAC 的器材，很有心得。
▲ Cato 表示要享用最好的 LDAC 無線高清音效輸出，最好係無咁多 WiFi 及藍牙干擾的地方，再揀首選音質就可以了。
不同場景齊試玩
除了兩位達人分享外，今次 Sony 亦有派產品專員 Gary 講解 Xperia Z3+ 及其他重點手機與平板的重要功能。而 Sony 亦係現場放置了不同場景，跟網友一同透過防水、拍攝、辦公室應用等不同環節去試玩及了解 Xperia Z3+ 與 Z4 Tablet 的不同功能。以下齊齊以相片重溫當日嘅熱鬧場面。
▲ Sony 體驗日，次次都有驚喜，呢位網友 Peter 參加了即場分享遊戲得到 Z3+ 一部，一齊睇睇佢點樣玩 Z3+ 玩到我地都揀左佢！
