外觀欣賞
呢部 ARCHOS 62 Xenon 規格相當入門，使用 Android 4.4 Kitkat 系統，配合四核心處理器 MTK 6582 1.3GHz，1GB RAM 和 8GB ROM，也支援外插記憶卡。高清 720p 屏幕達到 6.27 吋，但機身重量只有 210g。拍攝方面，62 Xenon 配備 800 萬像素的主鏡頭並有一 LED 補光燈，而前鏡頭像素為 500 萬。6 吋大屏幕手機的電量卻只有 2400mAh，但就採用了可換式電池設計。
▲ 究竟 6.27 吋芒手機大細係咩概念？ 我攞左咖啡店既膠叉作為對比，其實就係咁上下長度！
▲ 膠叉都係唔太實在，上面比兩張上手圖大家作為參考。雖然個 Size 係數字上以為好大，但攞上手其實都算容易掌控。
▲ 機身背部採用的磨砂設計十分舒服，相似於 Nexus 5 那種質感。而且背面只有 ARCHOS 商標，非常簡潔！
▲ 可以換電的設計，也大大彌補 2400mAh 電量偏少的缺點；3G 雙卡雙待是可以透過軟件切換，一張是 micro-sim，底下的插槽是 mini-sim，隨機附送一個 micro to mini 既 SIM 轉接卡。同時也支援最大 64GB 的 Micro-SD 卡，同樣也彌補了 8GB ROM 空間緊張的情況。
▲ 機身右側是音量鍵和電源鍵，前者按鍵感較硬，而後者卻軟軟的，反饋感不明顯；而這些按鈕本身是連在背殼上的。
▲ 機身頂部是 3.5mm 耳機和 Micro-USB 接口，這讓小弟有點不習慣，充電時候經常發生攞錯方向
。
▲ 正面上方為內放喇叭，500 萬像素前鏡頭，也有充電訊號燈；底下的三天王有背光設計，夜晚都能夠清晰看到。
▲ 開箱當然有個箱啦！ 62 Xenon 跟機有以下物件：說明書兩本、USB 線一條、1A 輸出的三腳 USB 插頭，外放式通話耳機，還有一張 SIM 轉 Size 卡套和一張無展示比大家睇既芒貼，配件齊備。
六吋屏幕究竟係點？
有網友可能見到上面個 720p 芒已經走左，我本來見到 ARCHOS 62 Xenon 都無太大期望，但這塊大芒在色準和可視角度卻讓我有驚喜。大家不妨睇睇：
▲ 係閃光燈下，屏幕仍然能夠看到畫面大約的內容。
▲ 側面測試角度算大，不論從機身側面或者正面低角度觀察，屏幕並無出現明顯的偏色和暗淡。
▲ 我嘗試對準角度食吊燈光源，62 Xenon 的屏幕抗光表現理想。當然，上述都是將屏幕亮度調到最光。
系統與性能
四核心 MTK 處理器、1GB RAM 和 8GB ROM，明顯就是一部入門級手機。那麼系統效能如何呢？ 界面操作尚算流暢，並無卡頓問題，開 App 速度也不慢，但我也循例地為大家做了相關軟件的跑分測試。
▲ 讓我驚訝的是，62 Xenon 採用的就是原生 Android 界面，開機後看看 App Drawer 並不臃腫。安兔兔開機無架，我裝落去咋
！
▲ 安兔兔跑分是 18683 分，真係非常入門級，同 Moto G 分數差唔多；粒處理器係 32BIT，所以系統都自然係 32bit 既 Android 4.4.2。
▲ Vellamo 跑分方面，Chrome 瀏覽器得分係 1565 分，同 Moto G 相若；多核心分數得到 1217 分，水平同 Nexus 4 差唔多；至於金屬跑分有 803 分，稍微領先 Nexus 4 水平。入門機黎講都唔算太失禮。
▲ Basemark ES 2.0 Taiji 呢個項目內，62 Xenon 得分只有 21.43 fps。我測試過，夠你播放 Youtube 同上大陸睇片 App 既！
相機表現一般
ARCHOS 62 Xenon 主鏡頭只有 800 萬像素，表現不是特別出色，室內環境的細膩度略低，個人認為如果用作一般生活記錄用途還算可以。大家可以參考一下：
▲ 呢度想講個唔好笑既笑話比大家聽：話說小弟見到 ARCHOS 62 Xenon，我滿心歡喜以為係主打攝影有 Xenon 閃光燈！ 其實個 Flash 係 LED 補光燈。哈哈哈，大家都係繼續睇相喇～
開箱小總結
唔使千四蚊就買到市面上少見既 6 吋芒手機，雖然規格上偏向入門，整體規格同初代 Moto G 相若。但系統貼近原生 Android Kitkat，並沒有太多臃腫附加軟件，所以實際使用感覺尚算操作流暢。 如果將它視作放大版的初代 Moto G，大家又覺得如何呢？ 同樣價位 6 吋芒又有無咩好推介呢？
