五千大電可以做到乜? ASUS ZenFone Max 評測 + 電量報告

左定坤 (Cho Ting Kwan) 2016-05-20 13:10 | Asus
五月中的時候,小米就在北京發表了一款擁有巨芒、核電的智能手機-小米 Max,而好快水貨已經來到香港,大約賣緊 $1980 左右。不過從網友的反應,可以看出大家似乎對呢部小米 Max 零興趣,咁唔知趕在小米 Max 發表之前現身、同樣具有超大電池的 ASUS ZenFone Max,大家又點睇呢? 由於電量是 ZenFone Max 的主要賣點,因此版主就想試下,到底呢部手機實際的續航能力如何。即刻睇下文啦!

//timgm.eprice.com.hk/hk/mobile/img/2016-05/20/205447/prince1025_1_4543_4ebf840f4ec181d6c31f2e87052c2465.jpg

ASUS ZenFone Max 配備了 5000mAh 超大電池,而也許續航能力,正正能夠成為讓這部手機脫穎而出的因素。而整個電池測試會分為三大部份。第一,軟件測試,簡單來說,就是用番我哋常用的 Geekbench 3 Battery Test 進行最基本的電量跑分測試;第二,充電測試,跑完 Geekbench 3 Battery Test 之後,無哂電,由 0% 充電至 100%,需要多久的時間;最後,就是版主實測,版主會利用 ZenFone Max 播片、打機,計算使用時間可以大約又多長。事不宜遲,即刻進行第一回合的測試!

第一回合:跑分軟件測試電池效能
頭先講過,版主會利用 Geekbench 3 Battery Test 進行電量跑分測試,而整個過程中,版主都會開啟飛航模式,避免因為 Wi-Fi / 4G 訊號強弱,而影響結果。而 Geekbech 3 Battery Test 將會模擬一個中用量用家,在 80% CPU 負荷的情況下,測試手機電量由 100% 到 0% 大約可使用的時間,以及其電池分數。

//timgm.eprice.com.hk/hk/mobile/img/2016-05/20/205447/prince1025_3_4543_bba98d79d466e76f1c74fe0c7caf7847.png
▲ 版主開啟了飛航模式,運行 Geekbench 3 Battery Test 測試電池續航力及其分數,一個中用量用家在 80% CPU 負荷的情況下,大約能夠使用 13 小時 55 分鐘,而電池分數則有 5568 分,咁長嘅續航時間,如果你唔係高用量用家,相信可以同尿袋講拜拜了。

第二回合:充電測試,需要多少時間才能充滿 5000mAh 電?
透過 Geekbench 3 Battery Test 軟件的測試,我們知道 ZenFone Max 在 80% CPU 負荷的情況下,大約可以使用 13 小時 55 分鐘,成績相當不錯。然而,我們希望擁有更大的手機電池、更長的續航時間,是需要先「付出」的,代價就是充滿一舊 5000mAh 電池的時間。在這裡我想為這部 ZenFone Max 作出一個補充:ZenFone Max 雖然有咁大舊電,但最好笑的是,佢竟然無支援快速充電技術,淨係支援 5V / 1A......你無睇錯! 係 1A! 試諗下如果用 1A 的電流去充 5000mAh 電池,會是怎麼樣的概念? 不難想像結果會是「龜速」。

現時 Quick Charge 快速充電已經去到 3.0,可以說是 Qualcomm 目前充電最快的技術,而 QC 3.0 又是一項可以向下支援的技術,所以版主想測試一下,假如利用 QC 3.0 充電器,去叉呢部 ZenFone Max,係唔係都一樣咁慢?

//timgm.eprice.com.hk/hk/mobile/img/2016-05/20/205447/prince1025_1_4543_0bec43d9867066aa447e2898045d59e4.jpg
▲ 由於 ZenFone Max 在關機充電的情況下,無法顯示電量的百分比,為了方便作出記錄,今次的充電測試,會以開機的狀態下進行,不過就會將手機設至飛航模式(停用一切的 Wi-Fi、藍牙、數據等功能),並將屏幕亮度設至最暗,盡量減低測試時的誤差。
 
時間(分鐘) 電量百分比(%)
30 7
60 20
90 32
120 44
150 53
180 62
210 70
240 81
270 87
300 96
314 100
▲ 版主會每三十分鐘,記錄一次電池的百分比,測試結果如上表。大約需時 5 小時 14 分鐘,終於成功將 ZenFone Max 由 0% 充至 100%,呢個速度實在係有點難以令人接受呢!

第三回合:版主實測打機、播片的使用時間
雖然我有用到跑分軟件 Geekbench 3 Battery Test,去為 ZenFone Max 進行電量測試,不過很多時候,手機使用的用途亦會直接影響其續航能力。現今大部分手機用家,打電話已經好少,除左睇下 Facebook、覆下 Whatsapp 之外,手機最大的用途,就是打機、播片。而 ZenFone Max 有着 5000mAh 電量的優勢,不知用這部手機,可以打到幾耐機,播到幾耐 720p 高清電影呢 (因 ZenFone Max 的屏幕解像度為 720p)? 版主將會把手機亮度調至最光,音量大約為 75% 左右,以進行測試。

//timgm.eprice.com.hk/hk/mobile/img/2016-05/20/205447/prince1025_3_4543_23ed22842594c5320d40e393e8e16496.JPG
▲ 首先測試一下播片部份,版主利用 ZenFone Max,在 YouTube 上搜尋一部 720p 的影片,播放半小時,電量由 99% 降至 96%,即大約用了 150mAh 左右,由此可以推斷,ZenFone Max 的五千核電,能夠連續播放 720p 影片約 33 小時 20 分鐘。

//timgm.eprice.com.hk/hk/mobile/img/2016-05/20/205447/prince1025_3_4543_fbb5cf8557369ac6671736e9f293c326.jpg
▲ 用同樣的方法,版主會利用 ZenFone Max 玩《GT Racing 2》半小時。半小時後,電量由 85% 跌至 80%,即消耗約 250mAh,經計算後推斷,ZenFone Max 大約能夠連續遊戲約 20 小時。

五千核電 ZenFone Max 仲可以當尿袋用,千幾蚊,真抵玩?
講完 ZenFone Max 的電量測試之後,大家應該已經了解到,五千核電真係唔能夠講笑,續航能力絕對是這部機的賣點之一。然而,呢五千核電仲有一個非常實用的功能,就是可以雙向充電,將手機當尿袋用。只要插上跟機附送的 OTG 線,做接入 USB 線,就能夠為其他裝置進行充電。呢部 ZenFone Max 定價 $1499,有 5000mAh 電仲可以當尿袋用,抵唔抵玩? 版主試過,就覺得值得一敗,但最大的缺點就係只有 1A 輸出,叉電超級慢,網友又點睇呢?

//timgm.eprice.com.hk/hk/mobile/img/2016-05/20/205447/prince1025_3_4543_768a0e149baacffd2b07cc09359aa322.jpg
▲ 隨機會附有一條 ASUS 的 OTG 線。

//timgm.eprice.com.hk/hk/mobile/img/2016-05/20/205447/prince1025_3_4543_ace6a9f5bc8e224b7db6849bc716b96b.jpg
▲ ZenFone Max 除左舊電夠大之外,還有更實用的功能,就是可以雙向充電,當尿袋用幫其他裝置叉電。

ASUS ZenFone Max 在文章發表時,大舖售價為 $1499,按這裡有詳細規格及最新賣價

相關產品 (2)

相關報導 (3)

好消息:五千大電:Asus Zenfone Max 高配版 支援快充

好消息:五千大電:Asus Zenfone Max 高配版 支援快充

早前華碩於香港推出了ZenfoneMax,以五千大賣,二千樓下嘅賣價為賣點。5000mAH容量電池的確屈晒機,版主阿坤早前試過,電量真係好勁,打機睇戲,連續十小時無問題,不過呢,採用S410CPU令人懷疑手機效能,只支援1A充電,充爆5000電要五小時。。。太誇張了。近日華碩宣佈推出高配版,升級CPU不是重點,支援快充令人驚喜呀!

Keith Yim | 2016-05-25
五千大電可以做到乜? ASUS ZenFone Max 評測 + 電量報告

五千大電可以做到乜? ASUS ZenFone Max 評測 + 電量報告

就在一兩星期之前,小米就在北京發表了一款擁有巨芒、核電的智能手機-小米Max,而好快水貨已經來到香港,大約賣緊$1980左右。不過從網友的反應,可以看出大家似乎對呢部小米Max零興趣,咁唔知趕在小米Max發表之前現身、同樣具有超大電池的ASUSZenFoneMax,大家又點睇呢?由於電量是ZenFoneMax的主要賣點,因此版主就想試下,到底呢部手機實際的續航能力如何。即刻睇下文啦!

左定坤 (Cho Ting Kwan) | 2016-05-22
五千大電 Asus Zenfone Max 有行貨!小米 Max 香港會賣

五千大電 Asus Zenfone Max 有行貨!小米 Max 香港會賣

今個星期大家都知,將會相當熱鬧!三間大廠HTC、華為、小米,不約而同地選擇左4月28、29個期間推出年度旗艦,相信到時競爭一定會相當激烈。不過,版原來到時唔單止會有呢三部旗艦推出,仲有一部主打5000mAh大電的千元機殺到,一齊來睇睇!

Lawrence | 2016-04-26

最新新聞