充電勝 Quick Charge 3.0! 魅族 Pro 6 叉電、用電、音效評測

管理員 2016-07-07 19:38 | Meizu
記得前陣子 ePrice 版主發起了一項投票,調查在近期的旗艦手機中,網友認為哪項功能最實用。得出的結果相當明顯,在 316 名參加者當中,有過半網友認為,「快速充電」是最實用的。在眾多「快速充電」技術中,網友最為熟悉的,應該是 Qualcomm 去年發表的 Quick Charge 3.0 (簡稱 QC3.0),而這項技術亦在不少品牌手機上用到。沒錯! QC 3.0 的確是快,但你知唔知,魅族的 mCharge 3.0 快充技術原來仲更勝一籌。小編今次就用魅族的旗艦新機 PRO 6,為大家示範一下到底 mCharge 3.0 充電技術可以有幾快! 與此同時,Pro 6 都有內置 DAC,音效又如何?立即睇! 

PRO 6 (Facebook).jpg

隨機附送的充電器,支持 mCharge 3.0 快速充電,充電功率最高達 24W
雖然說魅族 PRO 6 支持魅族全新的 mCharge 3.0 快速充電技術,充電功率最高可達 24W,不過要注意的是,並不是使用任何的充電機,都能夠提供那麼大的功率。如果想知道你手上的充電機,是否能夠提供 24W 的充電功率,那你就要特別注意充電機上的兩組數字,分別為電壓 (V) 以及電流 (A)。只要將電壓 (V) 乘以電流 (A),就能夠得出該充電機所提供的功率 (W),而從 W 值我們就能得知,到底該充電機是否快充。魅族 PRO 6 隨機附送的充電機,輸出部份寫着「5V OR 9V OR 12V / 2A」,代表這個充電機最高能夠提供 24W 的充電功率,亦即是說,只要你購買魅族 PRO 6,毋須另購其他充電機,就已經能夠體驗到 mCharge 3.0 的充電速度。

IMG_4772.JPG
▲ 隨機附送的充電機,就已經支持 mCharge 3.0 快速充電,唔洗再另外買。輸出部份寫着「5V OR 9V OR 12V / 2A」,代表這個充電機最高能夠提供 24W 的充電功率。

魅族 PRO 6 mCharge 3.0 充電測試
跟市面上大部份的快充技術一樣,魅族的 mCharge 3.0 都係會在頭果半個鐘至一個鐘增大電壓,以提升充電速度。但當手機電量超過某個百分比時,充電速度就會逐漸減慢,目的在於保護手機電池,延長其壽命。就以魅族 PRO 6 為例,小編嘗試利用跟機充電機進行快速充電測試,發現頭半個鐘的充電速度一直都很快,只需半小時就充至 64%,相比一般充電技術快得多。然而,半小時後開始見到充電速度有減慢的跡象。雖然如此,魅族 PRO 6 的充電速度並沒有讓人失望,如魅族在發佈會上所說,的確大約只需一小時,就能夠將魅族 PRO 6 的 2560mAh 電池充滿,比起其他 QC 3.0 或 QC 2.0 需要個半鐘左右仲要快。

IMG_4732.JPG
▲ 小編首先將魅族 PRO 6 的電池耗盡,即電量為 0%,然後利用跟機支持 mCharge 3.0 的充電機,為魅族 PRO 6 進行充電。整個充電過程將會在關機的情況下進行,以減低網絡連線、背景應用程式等因素帶來的誤差。

IMG_4735.JPG
▲ 充電 5 分鐘,就已經將魅族 PRO 6 的電量由 0% 充至 11%,即大約充了 281.6mAh。

IMG_4736.JPG
▲ 充電 15 分鐘,電量已經達至 34%,這個速度真的相當快。

IMG_4740.JPG
▲ 充電大約半小時,可以見到魅族 PRO 6 已經充至 64%,亦即係話,其實淨係需要充電半個鐘,對於一個低用量用家來說,已經夠用差不多半日。

IMG_4744.JPG
▲ 45 分鐘後,電量為 87%,其實可以留意到,充電速度已經減慢了不少。

IMG_4746.JPG
▲ 大約 1 小時 6 分鐘後,就成功將魅族 PRO 6 充電至 100%,實在太強了!亦即是說,如果手機咁啱無電,去附近 cafe 飲杯咖啡偷下電,坐一個鐘左右已經可以將舊電由 0% 充電至 100%。

Screen Shot 2016-07-04 at 9.19.09 pm.png
▲ 以上圖表可以讓大家更清晰地了解 mCharge 3.0 的充電速度,每 5 分鐘記錄一次,紅線代表魅族 PRO 6,而藍線代表某支持 QC 3.0 的手機。可以見到無論是 mCharge 3.0 抑或是 QC 3.0,兩者在開頭的時候充電速度都是很快的,但到了後期充電速度逐漸放緩。而 mCharge 3.0 與 QC 3.0 比較之下,似乎 mCharge 3.0 的充電速度相對更快。詳情可看下表:
 
  電量 (mAh) 充電需時(min) 平均每分鐘充電量 (mAh)
魅族 PRO 6 2560 66 ~38mAh (更快)
某支持 QC 3.0 手機 3000 98 ~30mAh

跑分軟件試魅族 PRO 6 2560mAh 電續航力
電池充滿之後,又能夠用到幾耐呢? 小編今次就選用了 ePrice 常用的 Geekbench 3.0 Battery Test 跑分軟件,測試一下魅族 PRO 6 由 100% 至 0%,在模擬 80% CPU 負荷的情況下,手機的使用時間以及其電池分數,從而能夠估計手機的續航能力。結果顯示魅族 PRO 6 在 80% CPU 負荷的情況下,約可使用 7 小時 14 分鐘,如果一般用家使用的話,相信都夠用一整天。

Screen Shot 2016-07-05 at 11.31.08 am.png
▲ 為了得出更準確的測試結果,在運行 Geekbench 3.0 Battery Test 的過程中,小編會開啟飛航模式,以避免受到 Wi-Fi、4G 訊號強弱帶來的影響。測試結果顯示,配備 2560mAh 電池的魅族 PRO 6,續航能力約 7 小時 14 分鐘,配合 Android 6.0 的省電效能,讓一般用家即使要用上一整天,都沒有問題。

魅族 PRO 6 實際使用測試(一):播放 1080p 影片
不少人好似小編咁,平時夜晚訓唔着覺的時候,中意用手機睇片,消磨時間。於是乎,我地就用魅族 PRO 6 播片,想睇下佢嘅耗電情況。而進行手機播片耗電測試,我地有自己一套的準則:屏幕亮度調至最光、喇叭音量設定至 75% 左右。小編在 YouTube 上搵了一套 1080p 的串流影片,並連續播放一小時,魅族 PRO 6 的電量由原來的 100%,跌至 86%,即大約用了  358.4mAh 電量。換算上來,魅族 PRO 6 能夠連續播放大約 7 小時 8 分鐘的 1080p 串流影片。

IMG_4755(2).jpgIMG_4761.jpg

魅族 PRO 6 實際使用測試(二):玩高畫質 3D 賽車遊戲
除左睇片,不少網友都中意用手機玩遊戲,所以小編就挑選了一款高畫質的 3D 賽車遊戲-《GT Racing 2》進行測試,同樣將屏幕調至最光、音量調至 75% 左右。打機半小時後,魅族 PRO 6 的電力由原來的 100%,跌至 85%,即用了約 384mAh 電,換算上來,魅族 PRO 6 可以玩高畫質 3D 遊戲約 3 小時 20 分鐘左右。

IMG_4764.jpgIMG_4766.jpg


如何能夠增強遊戲、睇片體驗呢?
剛才就睇完小編播片、打機的實測,大家又知唔知,其實魅族 PRO 6 內置的 Hi-Fi Sound 以及 mSound 技術,仲能夠令你打機、睇片的時候,有更好的音效體驗呢? 首先講解一下到底 Hi-Fi Sound 同 mSound 有甚麼分別啦!簡單來說,Hi-Fi Sound 是針對耳機,而 mSound 則針對內置喇叭的。魅族 PRO 6 內置左 Cirrus Logic 嘅 CS43L36 DSP 芯片(DAC),集解碼和耳機功放於一體,當你戴上耳機,PRO 6 系統就會自動開啟 Hi-Fi 功能,當你打機、睇片抑或聽音樂的時候,你都可以感受到出黎的聲音係好清晰的,還原度很高,令聽落去的感覺相當舒服。

當然,如果你平時在家,唔想戴住耳機的話,可以點? 其實,魅族 PRO 6 本身已經配備了 NXP 第三代的 Smart PA 系統,能夠通過實時感知喇叭嘅狀態,自動控制喇叭的震動,大大提升聲音的響度之餘,仲唔會破壞音質,令喇叭達到準 Hi-Fi 的水平,無論係聽歌、打機、睇片,呢個時候你都可以感覺到其聲音的澎湃,令你做乜都咁有 feel!以下小編就讓大家看看一段打機的視頻,睇下大家感唔感受到果種澎湃聲音的威力!


▲ 小編右手食指位置,有時候都能夠感受到其喇叭的震動。

小結
小編測試過魅族 PRO 6 的充電速度以及續航能力,首先我會認為,魅族 PRO 6 的充電速度的確相當出色,甚至相比其他支持 Qualcomm Quick Charge 3.0 的手機充電更快,這點是相當值得表揚的。要知道如果在街上手機無電,快速充電在這個時候就會大派用場,只需找間 cafe 食少少野叉陣電,就已經可以滿足到差不多一天的電池使用量。至於續航能力方面,小編發現魅族 PRO 6 的續航能力屬合格之上,特別是播片測試,播放時長更相對某 S820 手機還要長,算係唔話得!而在測試播片以及打機的過程中,小編亦從中感受到魅族 PRO 6 Hi-Fi Sound 以及 mSound 所帶來清晰而澎湃的音效,讓我在測試的同時,都會覺得好有 feel!

事實上,魅族 PRO 6 除了以上提及到的 mCharge 3.0、Hi-Fi Sound 以及 mSound 功能之外,仲有不少實用的功能,如 3D Press 壓力觸控、mTouch 2.1 指紋識別、mBack 按鍵等等,而機背的環形雙色溫閃光燈,更能夠加強相機在低光環境下拍攝表現,只可惜咁多功能,小編無法在一篇文章內逐一為大家介紹。特別一提的是,魅族 PRO 6 64GB 版本於 2016 年 7 月 1 日已經在魅族香港專門店、魅族香港網上商店、csl. 及 HKT 專門店,以及 Wilson 衛訊發售,建議零售價為 $3,299,有黑色、金色兩種顏色選擇。

資料由客戶提供

相關產品 (1)

相關報導 (9)

唔駛二千!二千萬鏡頭 + Android 7.0 手機

唔駛二千!二千萬鏡頭 + Android 7.0 手機

手機嘅相機像素,最大係二千一百萬!比起唔少數碼相機像素都要大。雖然,影得好與像素高係必然關係,但市面上嘅二千萬像素相機手機,拍出來嘅成像都係有板有眼,尤其對於成日要影Presentation做紀錄嘅網友,二千萬像素相機係有用嘅!咁如果二千唔駛,仲可以行Andriod7系統,係咪值得搶番部?

Keith Yim | 2016-12-07
二千萬像素相機手機最平二千中 | Sony Z5 系列大舖狂減

二千萬像素相機手機最平二千中 | Sony Z5 系列大舖狂減

手機嘅相機,最高可以影到幾多像素?其實幾年前已去到二千萬像素,不過,來來去去似乎只有Sony!上年起,唔少廠都加入了採用!二千萬像素有乜好?好簡單,一張大像素嘅相,Chop出來細Part睇,用來Share都夠晒用!況且,市面上嘅型號,差極都有個普!事實上,影到二千萬像素嘅相機手機,都唔會好貴!Sony本身Z5Premium大舖而直減二千。又有另一款,減到二千中就有!

Keith Yim | 2016-07-09
充電勝 Quick Charge 3.0!  魅族 Pro 6 叉電、用電、音效評測

充電勝 Quick Charge 3.0! 魅族 Pro 6 叉電、用電、音效評測

小編今次就用魅族的旗艦新機PRO6,為大家示範一下到底mCharge3.0充電技術可以有幾快!與此同時,Pro6都有內置DAC,音效又如何?立即睇!

管理員 | 2016-07-07
Meizu PRO 6 動手玩,與有機男來個簡單對談(附影片)

Meizu PRO 6 動手玩,與有機男來個簡單對談(附影片)

石先生今次同有機男AaronChoi一齊同大家介紹MeizuPRO6。手機雖說尚未到港,但已確定會在香港銷售,售價大概在3000元左右的價位。

石先生 | 2016-04-24
LG G5 相機終極試煉!日拍、夜攝比拼 Meizu Pro 6

LG G5 相機終極試煉!日拍、夜攝比拼 Meizu Pro 6

魅族Pro6發佈左之後,版主已經係金屬機身外型、處理器效能、屏幕等幾方面同LGG5作出比較,接下來當然會有相機大比拼啦!雖然Pro6未有好似其他牌子以「處處黑科技」自居,但係作為上半年度魅族重點旗艦,相信都會有一定的實力吧!同樣地G5作為LG上半年重點機款,實力無庸置疑,一齊來睇下大比拼啦!

Lawrence | 2016-04-14
十核心處理器 + 5.2 吋 FHD 芒! 魅族新旗艦 PRO 6 登場!

十核心處理器 + 5.2 吋 FHD 芒! 魅族新旗艦 PRO 6 登場!

上個禮拜魅族先在北京舉行發佈會,發表了魅藍Note3,性價比係高無錯,但中階機未必人人有興趣。時隔一星期,魅族就在剛剛,再發表了一部旗艦新機,出乎意料之外,明明稱得上為旗艦機,但唔係用Exynos8890或者QualcommS820,反而用上MTKU,網友會唔會大失所望呢?不過,早前有魅族高層自爆,呢部PRO6將會有iPhone的獨家功能,呢個會唔會就係PRO6最大的賣點之一呢?即刻睇睇!

左定坤 (Cho Ting Kwan) | 2016-04-13
​首部十核手機現真身!Meizu Pro 6 跑分 |世界級 ?

​首部十核手機現真身!Meizu Pro 6 跑分 |世界級 ?

魅族今13/4都公佈了佢地嘅旗艦級型號MeizuPro6。但係咪用上最頂級嘅配備呢?相機呢,用Sony最高規格嘅IMX230二千一萬像素模組、而屏幕亦係三星第5.5代嘅SuperAMOLED5.2吋FullHD屏幕,而音效、甚至操作上(仿iPhoneiTouch嘅MPress),都有新技術突破,而金屬外型亦係好不錯看。但處理器呢?今次不再用Samsung嘅處理器,改用MTK嘅HelioX25,亦係MTK嘅最新、最勁CPU!效能如何?我地一齊睇睇

Keith Yim | 2016-04-13
LG、魅族旗艦爭霸! G5、PRO 6 外型比拼

LG、魅族旗艦爭霸! G5、PRO 6 外型比拼

今年,我們已經見到有不少旗艦新機現身,撇除SamsungS7/S7Edge、LGG5、HTC10呢啲大廠的旗艦,即使是大陸品牌的魅族,剛剛發表的PRO6同樣有一定的吸引力。不過,相信唔少網友唔係咁諗,好多網友都覺得,大陸機,信唔過,但事實上,大陸機係咪一定唔夠大廠的手機鬥呢?至少版主覺得,有些大陸機的外型、設計方面比某些大廠更有誠意。版主Lawrence就在北京上手魅族PRO6,順帶俾大家比較一下,到底魅族PRO6同大廠旗艦LGG5的外型上,邊一部好啲、靚啲呢?

左定坤 (Cho Ting Kwan) | 2016-04-13
MTK Helio X25 十核心評測!魅族 Pro 6 版主開箱比拼 LG G5

MTK Helio X25 十核心評測!魅族 Pro 6 版主開箱比拼 LG G5

唔知點解,今年各大廠都慢慢改為主攻「細芒」旗艦,魅族亦不例外。繼小米5以及華為P9之後,魅族也推出了只有5.2吋芒的Pro6。作為第一部MTK旗艦級HelioX25十核心處理器的手機,表面看來效能表現真係難以同S820旗艦相比。事實又係咪咁呢?今次版主就拎到Pro6實機同LGG5做一個比拼,睇完就知啦!

Lawrence | 2016-04-13

最新新聞