大電量入門機!紅米 Note 3 vs Zenfone 3 Max vs M5 Note

Keith Yim 2016-12-06 18:07 | Meizu
呢個世界,好奇怪嘅!若果你想買旗艦手機,由 iPhone 去到 Android,都好難有一部上 4000mAh 電量嘅型號俾你揀。但入門機,偏偏大把選擇。今日魅族係北京發佈平價 m5 note,最平千元入手,講明會係香港賣! 四千大電絕對是賣點!唔好睇少千元手機市場,對手小米一早賣緊嘅紅米 Note 3 都唔少嘢,仲要係高通 U (Note 4 用 MTK,吸引力似乎不及 Note 3 呢)!要比較穩陣,ASUS Zenfone 3 Max 都係唔錯嘅選擇。點樣揀好?

Hands On(Facebook).jpg

5.5 吋芒三選擇
若果你問我,我會話,三部機設計都差唔多。原來千元手機已有金屬機身!魅族 m5 note、華碩 Zenfone 3 Max、紅米 Note 3 都係! 當然質感要摸上手先知,但以版主玩過唔少魅族手機,m5 note 金屬感,應該是最真最好。三部機都係 5.5 吋 Full HD 屏幕,叫做打過和。

三部都係四千大電池,都係用上比較省電嘅 CPU,相信一機中用量用兩日不是難度;而 Zenfone 3 Max 只有 10W 快充,比起其餘兩款都會慢一點;講到快充充電 m5 note 18w 係快,但要用佢地嘅跟機插頭,唔見左就沒有。而紅米 Note 3 跟機都唔係快充呀,但佢支援 Quaclomm Quick Charge 標準,找相類配件,反而最輕鬆。

相機部份,似乎紅米 Note 3 係規格上最好,因為後置鏡頭係千六萬像素,比起其他兩款千三萬都要好。不過,大像素不等於效果好,大家還是貨比貨好,留意版主亞坤稍後評測。

最後,送上新到 M5 note 嘅寫真,仲有我哋手機比拼平台連結!等大家可以比比三款手機!齊齊投票講下,你最有可能買邊一部吧。

IMG_2150.JPG
▲ M Note 系列,或者中國大陸叫魅藍,別名「青年良品」本來是年青人會用嘅手機。所以現場嘅 Model 都以學生妹作打扮,問題是這款學生妹,你受唔受?sorry ,問題是,金屬設計嘅青年良品,你受唔受呢?

IMG_2159.JPG
▲ 2.5D 玻璃設計,白色機身,前置指紋加 Home,你問版主就沒有新設計可言架啦,但夠大路,多人喜愛就上定嘅。

IMG_2163.JPG
▲ 機背設計,我居然聯想到 HTC M8。

IMG_2165.JPG
▲ 2.5D 玻璃,很容易見到。

IMG_2169.JPG
▲ M5 note (左) 與上一代 M3 Note (右) 比較,只是細節上有改動。

IMG_2170.JPG
▲ 左面 M5 note,同樣用上 microUSB 設計,下方亦有 3.5mm 耳筒位。

IMG_2171.JPG
▲ 手機左側,依然是 SIM 卡位置。

IMG_2173.JPG
▲ 左面 M5 note 機頂,沒有了耳筒位,簡單好多!

IMG_2152.JPG
▲ AnTuTu 得分 45592,其實係 MTK Helio P10 意料之內嘅成績。好定唔好?其實今次比拼裡面嘅 Zenfone 3 Max 採用嘅 Qualcomm S430 處理器,出來的成績也是差不多。紅米 Note 3 由於採用 S650 CPU,跑分會去到六萬左右。四至六萬,其實手機來說,已應付到日常應用有餘。


compare.jpg
▲  按入就有三款 5.5 吋芒 4000mAH 核電手機選擇,你會揀?

魅族 m5 Note 發佈 + 評測相關文章
魅族 m5 Note 發佈! 平價多彩 ! 不能不買的後備 + 孝子機?​
大電量入門機!紅米 Note 3 vs Zenfone 3 Max vs M5 Note
抵玩千元「孝子機」!魅族 m5 Note 開箱 多角度評測試屏幕、相機、喇叭

魅族 m5 Note 在文章發表時,香港上市日期未定,按這裡有詳細規格及最新賣價

相關產品 (1)

相關報導 (3)

魅族 m5 Note 發佈! 平價多彩 !  千元價! 不能不買的後備 + 孝子機

魅族 m5 Note 發佈! 平價多彩 ! 千元價! 不能不買的後備 + 孝子機

呢兩個星期魅族真係多多搞作,一連兩個星期在北京舉行發佈會,上星期就發表了一部「有誠意,但欠驚喜」、用上三星Exynos8890處理器的旗艦新機Pro6Plus,以及唔會在香港上市的魅藍X,今次(6/12)就玩番比較入門的路線,推出魅族新系列的高性價比代表-m5Note,最平一千蚊唔駛,真係入門之作。

左定坤 (Cho Ting Kwan) | 2016-12-06
大電量入門機!紅米 Note 3 vs Zenfone 3 Max vs M5 Note

大電量入門機!紅米 Note 3 vs Zenfone 3 Max vs M5 Note

呢個世界,好奇怪嘅!若果你想買旗艦手機,由iPhone去到Android,都好難有一部上4000mAh電量嘅型號俾你揀。但入門機,偏偏大把選擇。今日魅族係北京發佈平價m5note,最平千元入手,講明會係香港賣!四千大電絕對是賣點!唔好睇少千元手機市場,對手小米一早賣緊小米Note3!要比較穩陣,ASUSZenfone3Max都係唔錯嘅選擇。點樣揀好?

Keith Yim | 2016-12-06
抵玩千元「孝子機」!魅族 m5 Note 開箱評測: 屏幕、相機、喇叭

抵玩千元「孝子機」!魅族 m5 Note 開箱評測: 屏幕、相機、喇叭

話說版主尋日就飛左去北京,出席今日舉行的「魅族Note新品發佈會」,無辦法去到HTCDesire10Pro的發佈會,所以就由版主Keith負責去。咁我在北京見到,配備MTKHelioP10的HTCDesire10Pro,居然要賣成三千幾蚊,呢個定價似乎偏高了一點(個人意見)。HelioP10要去到甚麼價位,才會有吸引力呢?魅族m5Note,以同樣4GB+64GB版本來看,1499人仔又會唔會吸引呢?版主頭先就好極速同大家做個HandsOn,而家機已

左定坤 (Cho Ting Kwan) | 2016-12-06

最新新聞