諾基亞有難了!  五百蚊有找三防手機!  上到網,仲有收音機登場

2020-05-01 11:17
人人都追捧智能手機,但又唔係人人都一定要用。所以,功能手機 Feature Phone 一直都有市場,至少 Nokia 都不停有新款推出。記得我哋推介過嘅 Nokia 800 Tough?呢部機係正嘅,但比起最近有大舖揀選出來做清貨優惠嘅著名三防品牌手機,Nokia 都覺得太貴了!一如題目咁講,呢部五百有找嘅三防手機,影到相,聽到歌,有收音機仲上到網!點樣入手?立即睇!

諾基亞有難了!  五百蚊有找三防手機!  上到網,仲有收音機登場

繼續「說的是」CAT B30。講真一句,我揾返網上嘅 review,呢部機早於 2015  已經存在係地球之上,行貨喺 2017 年喺香港推出,呢篇介紹文,喺 2020 年五月寫嘅,仲清緊貨!可以講,CAT  B30 比任何一款現今嘅智能手機都要長命。Feature Phone,主要功能係打出跟打入,無話 Out 定唔 Out。

CAT B30 唔單止係俾你打出打入咁簡單,仲係一部官方寫明有 Drop Proof 嘅手機,可以離地面 1.8 米掟落地,手機都唔會爛、仲有 IP67 防塵防水規格,可以係一米水深得 30 分鐘都無事。打出打入是基本,佢仲支援雙卡雙待,主卡支援 3G 網絡,副卡只接到 2G GSM。

咁其他功能呢?佢有 microSD 槽,最大可以插 32GB 容量記憶卡,用來儲存佢嘅二百萬像素相機拍攝嘅相片,仲有位置你可以放歌仔入去畀部手機播。CAT B30 仲有 FM 收音機架。佢支援 JAVA,睇番 Review 嘅片,行到 Facebook,仲有 Opera Mini 瀏覽器俾你簡單上網,但今時今日呢 D application ,仲有無 Java App 就好難講,仲係咪真係用到就成為疑問啦。

呢 D 都係額外嘅,相信 CAT B30 賣點係三防,用 3G 打電話,仲有 FM 收音機,價錢仲係五百蚊有找,好過淘寶或者深水埗嗰 D 中國大陸功能手機啦!

諾基亞有難了!  五百蚊有找三防手機!  上到網,仲有收音機登場

賣價及購買點:$499,Wilson 恒生銀行優惠

 
多謝支持 ePrice.HK
您可能也喜歡▼