8GB RAM,賣價嘩一聲!獨家爆 Razer Phone 香港價,網友話「抵」?

2017-11-28 14:33
年年都推出那麼多手機,然而今年較具話題性的,不是 iPhone X、不是三星,而是雷蛇推出的 Razer Phone。一部「為遊戲而生」的手機,就這樣誕生,話題性相當高,曾經一度以為香港不會上市,但版主日前就收到風,這部 Razer Phone 預計會在 12 月初香港有售,而版主亦得到最新消息,得知 Razer Phone 的發表日期及香港賣價。呢個價,會叫你「嘩」一聲,你會唔會敗?睇下文啦!

8GB RAM,賣價嘩一聲!獨家爆 Razer Phone 香港價,網友話「抵」? -0

版主收到風,雷蛇將會在 12 月 7 日舉行發佈會,發表這部話題性極高的 Razer Phone。香港建議零售價為 $5999,呢個價有無令你有「嘩」一聲的衝動呢?記得上次同網友分享 Razer Phone 會賣的消息,有網友認為 「如果 $5998 都抵丫」,而家只係比你預算差 $1,你係咪會即 Go? 版主又真係好想知道。

不過,Razer Phone 賣 $5999 真的有吸引力嗎?平心而論,講 specs 的話 Razer Phone 係吸引嘅,最主要係佢支持 120Hz 的 5.7 吋 IGZO 顯示屏,配備 S835 旗艦處理器,內置 8GB LPDDR4,儲存容量有 64GB,夠唔夠用就見仁見智,不過唔夠用可以插最高 2TB 的 microSD 卡,問題並不算是太大。

但整體來說,同其他品牌同級手機比較,又不過是差個 120Hz 顯示屏同埋多 2GB RAM,又係咪真係值得呢個價錢?好似 HTC U11,大舖而家賣緊 $4880,平過千;Sony XZ1 無錯係得 4GB RAM,但賣 $4698,都唔使五千就買到。真係目前仲係企到硬一硬的 S835 旗艦機,就只有三星。S845 手機好快就有,S835 選擇有咁多,你又會唔會花 $5999 呢個價買 Razer Phone 呢?留言討論下啦!

8GB RAM,賣價嘩一聲!獨家爆 Razer Phone 香港價,網友話「抵」? -1
▲ 第一感覺,Razer Phone 是 Sony + Nextbit Robin 的混合版,用上了 5.7 吋 IGZO 顯示屏,所以一望個芒,已經覺得啲顏色好靚。

8GB RAM,賣價嘩一聲!獨家爆 Razer Phone 香港價,網友話「抵」? -2
▲ 屏幕上方會有 800 萬像素前置鏡頭。

8GB RAM,賣價嘩一聲!獨家爆 Razer Phone 香港價,網友話「抵」? -3
▲ 機背用上金屬材質,中央清楚見到 Razer 的 Logo。

8GB RAM,賣價嘩一聲!獨家爆 Razer Phone 香港價,網友話「抵」? -4
▲ 機背左上方具有 12MP + 12MP 主鏡頭,一個用途為廣角,另一個用途則為 Zoom,並具備雙色溫閃光燈。

8GB RAM,賣價嘩一聲!獨家爆 Razer Phone 香港價,網友話「抵」? -5
▲ 機身右側同 Sony 一樣,都是具有圓潤的開關鍵,並支持指紋辨識。

8GB RAM,賣價嘩一聲!獨家爆 Razer Phone 香港價,網友話「抵」? -6
▲ 而右側上方會有三選二 SIM 卡槽,其中一個卡槽可支持最高 2TB microSD 卡。

8GB RAM,賣價嘩一聲!獨家爆 Razer Phone 香港價,網友話「抵」? -7
▲ 左側會有兩個圓形的音量鍵。

8GB RAM,賣價嘩一聲!獨家爆 Razer Phone 香港價,網友話「抵」? -8
▲ 在燈光底下,其 Razer Logo 更為明顯,係型嘅,但機身比較闊,對於手細的版主來說,似乎不太適合我。另外,機身重量為 197g,亦感覺比較墜手。

Razer Phone 在文章發表時,建議零售價為 $5999,按這裡有詳細規格及最新賣價
發表於 2017-11-29 00:48
2 樓
同u11+ 比, 羸個igzo 120hz mon同雙前喇叭, qc4.0
輸鏡頭, 抵唔抵見仁見智啦