無人買?官方減價 Razer Phone 2 劈到小米價,$4000 有找呢個價抵?

2019-05-09 17:23
近呢兩年「電競」呢兩個字開始興起,小米、雷蛇、ASUS 等廠商都爭住推出電競手機。但心水清嘅網友都知道,其實所謂電競手機,根本只係一個 Marketing Term,到最後咪又係一部普通旗艦機,只係比一般手機多少少的配件支援。想手機打機有最爽體驗,有錢自自然然會入手 ASUS ROG Phone,不過如果無乜錢果班用家,似乎小米部黑鯊遊戲手機,都仲有市場過 Razer Phone 2,可能因為平價、性價比高啦!如果 Razer Phone 2 都跌到小米價,你又敗唔敗?睇下文啦!

無人買?官方減價  Razer Phone 2 劈到小米價,$4000 有找呢個價抵?

講到電競手機,其實 Razer Phone 2 都算係做得幾失敗,由第一代至第二代,真係入手的人真係唔多,就連大舖都唔多理呢部手機,反而黑鯊都仲多人考慮,一來個樣比起 Razer Phone 2 更有電競味道,二來價錢都更為公道、廉價。或者因為仲有唔少倉底貨未賣得出,Razer 決定將 Razer Phone 2 減價,最新賣價為 $3999,跌穿四千關口。

無人買?官方減價  Razer Phone 2 劈到小米價,$4000 有找呢個價抵?

Razer Phone 2 配備 Snapragon 845 處理器、8GB RAM、64GB 儲存,其 120Hz 5.72 吋屏幕解像度為 1,440 x 2,560,有雙鏡頭相機、4,000mAh 電池支援 Qi 無線充電、IP67 防水功能,並用上 Android 9.0 作業系統。

Razer Phone 2 在文章發表時,官方賣價為 $3999,按這裡有詳細規格及最新賣價