千元平價 18:9 芒,最靚係藍色!5.99 吋紅米 5 Plus 開箱評測

左定坤 (Cho Ting Kwan) 2018-01-25 16:37 | 小米
無可否認,一提性價比,好多網友都會諗起小米推出的紅米手機。對於想用入門機價錢換取中階規格手機,又本身對大陸手機無乜反感的人來說,紅米手機的而且確是個不錯的選擇。記得 N 年前,版主果陣仲係學生一名,無乜錢都係入手左一部第一代的紅米 Note,見住佢係不斷的進步,唯獨是相機部份就有點停滯不前。新一代的紅米 5 / 5 Plus,今日已經正式開賣了!而版主手上亦已得到一部紅米 5 Plus,就等版主同大家做個開箱評測!

小米(Facebook).jpg

平價 18:9 芒!最靚係藍色?紅米 5 Plus 開箱!

今代的紅米 5 Plus,包裝盒用上了鮮豔的紅色,相當搶眼。而當中的「5」字,亦放到大一大,好容易令人一眼就看出,這是紅米 5 Plus 的包裝盒。不過,包裝盒如何都不是重點,重要的是包裝盒入面部手機。紅米 5 Plus 具有 5.99 吋 FHD+ 亦即是 18:9 芒,正面睇其實外表並不比其他 18:9 芒手機差,不過一反轉機背部份,哎......依然係俾網友一種好膠的感覺。拎到機,版主 Keith 一望個機背,就覺得有種好 old 的設計。是的,我都認為機背設計係落伍左啲,不過在四款顏色 (金、黑、藍、粉) 之中,版主又覺得當中的藍色係幾靚的,不知網友又是否認同呢?唔講咁多,即刻開箱,睇相啦!

27335985_552313368460807_1215998481_o.jpg
▲ 紅米 5 Plus 個包裝盒用上了鮮豔的紅色,面頭大大隻寫住個「5」,好易睇得出係「紅米 5 Plus」。

27393575_552313371794140_811648895_o.jpg
▲ 包裝盒背面寫上一些關於紅米 5 Plus 的基本配置,例如 5.99 吋全面屏、後置 1200 萬像素相機等等。

27398875_552313388460805_1266743753_o.jpg
▲ 開箱!包裝盒內隨機會有 SIM 卡針、microUSB 線、火牛,以及一個透明保護套。

27330037_552313375127473_582372983_o.jpg
▲ 由於小米俾版主的紅米 5 Plus 是國內版的,所以跟機火牛會是雙腳頭。而雖然紅米 5 Plus 所用的 U 本身可以支持 Quick Charge 3.0,但紅米手機無開放呢個功能,都無辦法。跟機火牛最高輪出為 5V / 2A,亦即是 10W。

27398479_552313418460802_1342104025_o.jpg
▲ 紅米 5 Plus 用上了 5.99 吋 18:9 屏幕,解像度為 FHD+,其實個芒就咁睇係幾靚嘅。

27329473_552311271794350_343869130_o.jpg
▲ 屏幕上方會有 500 萬像素前置鏡頭以及 Sensor。

27335594_552311255127685_1574098064_o.jpg
▲ 另外可以留意到,紅米 5 Plus 用上了圓角的設計,呢一刻我就諗起 Sharp AQUOS S2 的切割,一比之下覺得紅米 5 Plus 呢個靚好多。

27335623_552311211794356_997128708_o.jpg
▲ 機背還是用上三段式天線設計,而版主 Keith 同我都覺得,紅米 5 Plus 機背的設計有點 out,不過我又咁睇,顏色部份呢隻藍又係幾靚嘅~另外,機背會有 1200 萬像素的主鏡頭以及指紋辨識鍵。

27330257_552311275127683_1012173883_o.jpg
▲ 機背下方會見到有小米的 Logo。

27267282_552311215127689_1631833851_o.jpg
▲ 手機左側會見到有 SIM 卡槽。

27335623_552311211794356_997128708_o.jpg
▲ 而右方則見到有音量鍵以及開關鍵。

27157295_552311225127688_27964553_n.jpg
▲ 機底會見到有 microUSB 插槽以及喇叭。

27329942_552311341794343_833155918_o.jpg
▲ 紅米 5 Plus 一共有四種顏色選擇,版主個人比較喜歡的,應該是我手上的藍色。

27399121_552311345127676_1113688274_o.jpg
▲ 18:9 芒的手機好處就係機身夠窄,手感係不錯的。不過設計又真係...... 你鍾唔鍾意呢?

用 S625 處理器,有 4GB / 64GB,安兔兔跑分立即看!

紅米 5 Plus 同紅米 5 所用的配置係不同的,紅米 5 係用 S450 處理器 + 3GB / 32GB,而紅米 5 Plus 則係用 S625 處理器 + 4GB / 64GB,呢粒處理器在一年前已經出哂名好慳電,不過問題係 GPU 能力比較差,打高需求的 3D Game,會比較吃力。一部 $1099 用 S450,一部 $1499 用 S625,安兔兔跑分又相差幾多呢?即刻 show 俾大家睇下啦!

27292618_552374535121357_2109061890_n.jpg
▲ 左邊是紅米 5 Plus,而右邊是紅米 5,其實從跑分上來看,兩部個成績都唔差太多,S625 處理器跑出成績為 60712 分,而 S450 處理器跑出的成績則為 55883。可以看到兩粒處理器都有一個共通點,就是 3D 效能都比較差,無話打唔到機嘅,但打啲高需求的 3D Game,就會吃力一點囉!另外,從上圖中都可以順便比較一下,5.7 吋的紅米 5 以及 5.99 吋的紅米 5 Plus,實際機身大小相差幾多。

小結

暫時先同大家做個簡單的開箱,稍後有時間的話,就可能會同大家做個電池測試。影相會唔會測試呢? 也許,但老實說,不要說紅米手機,就算小米的旗艦系列手機,影出來的相片都係唔多掂,更何況是一部千元紅米手機呢?所以,買得紅米手機,基本上都不會是為了影相,要影相靚就唔會買紅米。買得紅米,應該是為了平平地,滿足到一天的基本需要,最重要就要夠慳電,咁就已經好足夠。當然,如果未來一部紅米手機的相機,可以拍得住旗艦機的級數,咁實係最好不過,但你覺得可能嗎? 難!對於呢部紅米 5 Plus,網友又點睇呢?

紅米 5 Plus 在文章發表時,建議零售價為 $1499,按這裡有詳細規格及最新賣價
 

相關產品 (1)

相關報導 (5)

唔使搶!4GB / 64GB 中階機清貨價,$1300 抵過買紅米 5 Plus?

唔使搶!4GB / 64GB 中階機清貨價,$1300 抵過買紅米 5 Plus?

香港人要求愈來愈高,來到2018年仲講3GB/32GB?唔係呀嘛,邊夠用呀?所以,而家就連入門手機,都開始有4GB/64GB,而說到近期性價比最高的,應該是紅米5Plus:千四蚊,有18:9芒、4GB/64GB,S625U、四千大電,睇specs嚟講真係可以話無得輸。不過,小米出部性價比幾高的手機都好,總會有網友鬧,點解?因為係大陸機。如果差不多價錢,會唔會有比紅米5Plus更值得入手嘅選擇呢?有,最近就有一部,夠唔夠紅米5Plus砌呢?睇下文啦!

左定坤 (Cho Ting Kwan) | 2018-02-01
挑戰最屈機性價比!$1000 有找 平玩 5.7 吋 18:9 芒手機

挑戰最屈機性價比!$1000 有找 平玩 5.7 吋 18:9 芒手機

性價比屈機的品牌,隨便數都數到有幾個:小米、魅族、Moto......不過,要講到近期性價比「最屈機」的手機,應該係「佢」?假假地摱車邊都可以叫做「百元機」(百元機定義為:$100-$999),但已經玩到現時流行的18:9芒,拎出街笠返個套,正面又算係靚靚仔仔,呢個係咪必敗價呢?睇下文啦!

左定坤 (Cho Ting Kwan) | 2018-01-31
千元平價 18:9 芒,最靚係藍色!5.99 吋紅米 5 Plus 開箱評測

千元平價 18:9 芒,最靚係藍色!5.99 吋紅米 5 Plus 開箱評測

無可否認,一提性價比,好多網友都會諗起小米推出的紅米手機。對於想用入門機價錢換取中階規格手機,又本身對大陸手機無乜反感的人來說,紅米手機的而且確是個不錯的選擇。記得N年前,版主果陣仲係學生一名,無乜錢都係入手左一部第一代的紅米Note,見住佢係不斷的進步,唯獨是相機部份就有點停滯不前。新一代的紅米5/5Plus,今日已經正式開賣了!而版主手上亦已得到一部紅米5Plus,就等版主同大家做個開箱評測!

左定坤 (Cho Ting Kwan) | 2018-01-25
5.99 吋大芒 + 四千大電 有高屏佔比!$1500 買到紅米 5 Plus?

5.99 吋大芒 + 四千大電 有高屏佔比!$1500 買到紅米 5 Plus?

小米上年發表的紅米5/5Plus,終於都等到有香港開賣消息喇!講到好似發表左好耐咁,其實不過是過左個半月左右,但對於呢兩部新機,版主還是有少許期望的。不過,期望的並不是使用體驗有幾好,純粹係在好奇,到底今次呢部18:9高屏佔比的紅米手機,到底可以做到有幾平。原本版主估計,香港唔會賣紅米5,淨係會賣擁有大芒+大電的紅米5Plus,但小米香港話我知:哎喲!你估錯左了!兩部手機都會上市,幾時賣,賣價會係幾多呢?見到呢個價,網友會唔會即衝?睇下文啦!

左定坤 (Cho Ting Kwan) | 2018-01-24
2018 一月香港上市新機:HTC 惡鬥三星

2018 一月香港上市新機:HTC 惡鬥三星

手機市場真係飽和?似乎唔係,於2018年1月份,咪以為係傳統農曆新年前夕,就悶過死水,其實手機廠都預備了不少大作應市,唔只發表咁簡單,係真正推出市場,大家可以即買。其中,HTC與三星都分別推出以「前鏡頭」前置影相為賣點嘅手機,而以「性價比」聞名的小米,都會係一月賣新機。

Keith Yim | 2017-12-29

最新新聞